Fjarðabyggð leitar eftir aðstoðarslökkviliðsstjóra
Fjarðabyggð auglýsir laust til umsóknar starf aðstoðarslökkviliðsstjóra. Um er að ræða 100% starf auk bakvakta, með starfsstöð í aðal slökkvistöð liðsin að Hrauni á Reyðarfirði. Slökkvilið Fjarðabyggðar er með 5 starfstöðvar þar sem atvinnulið starfar samhliða hlutastarfandi slökkviliðs- og sjúkraflutningsmönnum.
Helstu verkefni:
- Hluti af stjórnandateymi slökkviliðs og næstráðandi slökkviliðsstjóra í fjarveru hans.
- Telst til vakthafandi liðsheildar og sinnir útköllum þegar þörf er á vegna álags og mönnunar liðsins.
- Dagleg stjórn á útkallsdeild liðsins og skipuleggur æfingar og þjálfun þess.
- Umsjón með vaktskipulagi, fjarveruskráningum og afleysingum.
- Umsjón með tímaskýrslum og gerð launskýrslna.
- Skipuleggur fræðslu til stofnanna, fyrirtækja og almennings vegna brunavarna.
- Gerð verkferla sem varða viðfangsefni slökkviliðsins, aðstoð við gerð slökkvi- og viðbragðsáætlana.
Menntunar- og hæfniskröfur:
- Uppfylla skilyrði reglugerðar nr. 792/2001 um menntun, réttindi og skyldur slökkviliðsmanna og laga nr. 75/2000 um brunamál.
- Löggilding sem slökkviliðs-og sjúkraflutningamaður.
- Farsæl reynsla af stjórnun áskilin.
- Leiðtogahæfni, drifkraftur og fagmennska.
- Jákvætt viðhorf og framúrskarandi samskiptahæfni.
- Færni til að koma frá sér efni í ræðu og riti, bæði á íslensku og ensku.
- Almenn tölvufærni.
Starfslýsing aðstoðarslökkviliðsstjóri.pdf
Launakjör eru samkvæmt kjarasamningum sveitarfélagsins við viðkomandi stéttarfélag. Öll kyn eru hvött til að sækja um stöðuna.
Umsókn um starfið skal fylgja starfsferilsskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið. Umsóknarfrestur er til og með 9. maí 2021 en æskilegt er að viðkomandi geti hafið störf sem fyrst.
Allar frekari upplýsingar veitir Ásta Sigríður Skúladóttir mannauðsstjóri, í síma 844 4186 eða á netfanginu asta.skuladottir@fjardabyggd.is.
Sótt er um starfið á ráðningavef Fjarðabyggðar með því að smella hér.