Lausar eru til umsóknar stöður umsjónarkennara á mið og unglingastigi við Eskifjarðarskóla skólaárið 2023-2024. Ráðið er í starfið frá 1.ágúst n.k.
Í Eskifjarðarskóla eru um 150 nemendur í 1. til 10. bekk og við skólann vinna 38 starfsmenn. Leitað er að metnaðarfullum og skapandi einstaklingum sem tilbúnir eru að ganga til liðs við samhentan hóp starfólks Eskifjarðarskóla. Skólinn er skipaður fagfólki, þar ríkir góður starfsandi og jákvæðni. Í skólanum er einnig til húsa tónlistarskólinn, bókasafn bæjarins og elsta deild leikskólans.
Eskifjörður er einn af byggðarkjörnum Fjarðabyggðar þar er öflugt íþrótta- og tómstundastarf og ókeypis samgöngur eru innan kjarnanna. Stutt er í ósnortna náttúru, fjölbreytta afþreyingar möguleika og eina bestu sundlaug landsins.
Helstu verkefni og ábyrgð:
- Vinna að þróun skólastarfs með stjórnendum og samstarfsmönnum.
- Annast kennslu nemendahóps
- Vinna með bekkjarbrag og menningu
- Stuðla að velferð nemenda í samstarfi við foreldra og annað fagfólk.
- Vinna samkvæmt stefnu skólans og taka þátt í þróunarverkefnum innan skólans.
Menntunar- og hæfniskröfur:
- Leyfisbréf til að nota starfsheitið kennari.
- Menntun og hæfni til almennrar kennslu.
- Reynsla og áhugi á að starfa með börnum.
- Framúrskarandi hæfni í samskiptum og sveigjanleiki í starfi.
- Faglegur metnaður.
- Áhugi á að starfa í skapandi og metnaðarfullu umhverfi.
- Góð íslenskukunnátta.
Umsóknarfrestur er til og með 14. apríl nk. og eru umsækjendur af öllum kynjum hvattir til að sækja um störfin.
Laun eru samkvæmt kjarasamningum KÍ og Sambands íslenskra sveitarfélaga.
Nánari upplýsingar um starfið veitir
Sigrún Traustadóttir í síma 470-9150 og í tölvupósti sigrun@skolar.fjardabyggd.is