mobile navigation trigger mobile search trigger

BÆJARSTJÓRN Fjarðabyggðar

Bæjarstjórn Fjarðabyggðar er skipuð níu bæjarfulltrúum sem kosnir eru til fjögurra ára í almennum kosningum til sveitarstjórna. Hún fer með yfirstjórn stofnana og fyrirtækja á vegum bæjarins, kemur fram í nafni sveitarfélagsins og gætir hagsmuna þess og íbúa. Bæjarstjórn heldur reglulega fundi tvisvar í mánuði, að jafnaði fyrsta og þriðja fimmtudag hvers mánaðar, að sumarmánuðum undanskildum og fer þá bæjarráð með umboð hennar og afgreiðir mál. 

Bæjastjórn ræður málefnum sveitarfélagsins innan þeirra marka sem lög setja og samþykktir um stjórn og fundarsköp Fjarðabyggðar, en svo nefnast þær reglur sem sveitarfélagið hefur sett sér um stjórn þess og stjórnsýslu. Bæjarstjórnarfundir eru að jafnaði haldnir í fundarsal sveitarfélagsins að Hafnargötu 2, Reyðarfirði og hefjast kl. 16.00.

Fundirnir eru opnir og er þeim sjónvarpað beint á vef sveitarfélagsins. 

Eldri upptökur af fundum má finna með því að smella hér.

Að loknum sveitastjórnarkosningum í maí 2018 náðu fjórar flokki kjöri til bæjarstjórnar Fjarðabyggðar. Fjarðilisti hlaut 4 fulltrúa, Framsóknarflokkur 2, Sjálfstæðisflokkur 2 og Miðflokkurinn 1.

Bæjarstjórn Fjarðabyggðar 2018 - 2022 er þannig skipuð:

Fjarðalistinn (4)
Eydís Ásbjörnsdóttir
Sigurður Ólafsson
Hjördís Helga Seljan Þóroddsdóttir
Einar Már Sigurðarson

Framsóknarflokkur (2)
Jón Björn Hákonarson  
Pálína Margeirsdóttir 

Sjálfstæðisflokkur (2)
Jens Garðar Helgason
Dýrunn Pála Skaftadóttir

Miðflokkur (1)
Rúnar Már Gunnarsson

Í júní 2018 var núverandi meirihluti bæjarstjórnar myndaður þegar undirritað var meirihlutasamningur á milli Fjarðalista og Framsóknarflokks.

Frá undirritun meirihlutasamnings Framsóknarflokks og Fjarðalista. Sitjandi f.v. Jón Björn Hákonarson (B) og Eydís Ásbjörnsdóttir (L). Standandi f.v. Pálína Margeirsdóttir (B), Sigurður Ólafsson (L), Hjördís Helga Seljan Þóroddsdóttir (L) og Einar Már Sigurðarson (L).

Mynd_meirihluti.jpg