Í ár eru 20 ár liðin frá því að Franskir dagar hófu göngu sína á Fáskrúðsfirði. Af því tilefni færði Páll Björgvin Guðmundsson, bæjarstjóri, framkvæmdanefnd hátíðarinnar rósir og hamingjuóskir við setninguna sl. föstudagskvöld.
27.07.2015
Franskir dagar í 20 ár
Þá færði bæjarstjóri Maríu Óskarsdóttur, fyrsta formanni nefndarinnar, sérstök þakkarorð og blómvönd fyrir mikið og óeigingjarnt starf hennar við uppbyggingu þessarar einstöku sumarhátíðar, en María leiddi framkvæmdanefndina allt þar til fyrir nokkrum árum, að Guðbjörg Steinsdóttir tók við kyndlinum.
Hér til hliðar má svo sjá Guðbjörgu, flytja bæjarstjóra þakkarorð, fyrir hönd aðstandenda hátíðarinnar.
(Beðist er velvirðingar á lökum myndgæðum)