Staða mála er enn óbreytt á Austurlandi hvað smit varðar, sjö eru í einangrun og hefur ekki fjölgað síðastliðna sex sólarhringa. Engin ný smit hafa komið upp. 38 eru í sóttkví og fækkað um 16 frá því í gær.
07.04.2020
Tilkynning frá aðgerðastjórn á Austurlandi 7. apríl
Á sama tíma og niðurstöður gefa ágætar vonir um þróun smita minnir aðgerðastjórn Almannavarnanefndar Austurlands á að lítið má út af bregða til að þeim fjölgi hratt.
Þar sem góð vísa er aldrei of oft kveðin er dags- og páskaskipanin því þessi:
- Verum heima
- Virðum tveggja metra regluna
- Förum sjaldan í matvörubúðir, gerum stærri innkaup í hvert sinn
- Verum góð við afgreiðslufólk, fylgjum leiðbeiningum með brosi á vör
- Gerum þetta saman!
Hvað varðar niðurstöður úr skimun Íslenskrar erfðagreiningar þá eru þær ókomnar. Þær munu birtar um leið og þær berast.