Á þriðjudaginn hittust allir nemendur og kennarar á sal í grunnskólanum á Reyðarfirði á viðburð sem ekki hefur náðst að halda í tvö ár, vegna sóttvarnaraðgerða. Á þriðjudaginn gátu þau svo loksins komið öll saman og málað piparkökur.

Byrjað var á því að syngja saman jólalög sem nemendur í 1. bekk höfðu valið en í framhaldinu dreifðu fulltrúar nemendaráðs piparkökum og glassúr til allra nemenda í salnum og máluðum við af miklum móð undir dynjandi jólatónlist.