Þriðjudaginn 20. maí sl. var tekin í notkun færanleg lyfta sem mun stórbæta aðgengi fatlaðra að sundlaug, vaðlaug og heitu pottunum við sundlaugina á Eskifirði. Lyftan er gjöf frá Lionsklúbbi Eskifjarðar.
Á myndinni eru (frá hægri) Gísli Benidiktsson, frá Lionsklúbbnum, Jóna Árný Þórðardóttir, bæjarstjóri, Árni Helgason, Lionsklúbbnum, Ragnar Sigurðsson, bæjarfulltrúi, Ásbjörn Guðjónsson, Lionsklúbbnum, Jón B. Hákonarson, bæjarfulltrúi, Stefán Þór Eysteinsson, bæjarfulltrúi, Sævar Arngrímsson, Lionsklúbbnum, Laufey Þórðardóttir, sviðsstjóri og Jóhann Benediktsson, forstöðumaður
Jóna Árný Þórðardóttir, bæjarstjóri tók við lyftunni fyrir hönd sveitarfélagsins og þakkaði Ásbirni Guðsjónssyni, formanni fjárlaganefndar klúbbsins kærlega fyrir gjöfina og þeirra mikilvæga framlags til samfélagsins.
„Við erum mjög ánægð með þessa nýju lyftu, við erum alltaf að leitast við að bæta þjónustuna í sundlauginni á Eskifirði, lyftan er liður í því,“ sagði Jóhann R. Benediktsson, forstöðumaður sundlaugarinnar.
Guðjón sagði við þetta tilefni ,,Við erum mjög stoltir að hafa fengið að fá að taka þátt í þessu með sveitarfélaginu". Jóna Árný hrósaði Lionsklúbbnum fyrir þeirra framtak. ,,Það sýnir sig með svona framtaki, hvað svona samtök eins og Lionsklúbbuirnn er mikilvæg fyrir hvert samfélag eins og okkar".
