Utan á hverja röð bætist við ein keila að ystu keilu í neðri röð undaskilinni, hvar viðbótarkeilurnar verða tvær. Vinna við þessar keilur mun bíða næsta árs.

Á næstunni verður mest unnið í styrkingarkerfi þvergarðs og bakfyllingu, auk klapparlosunar. Ein losun er eftir fyrir ofan Drangagilsgarð en að öðru leyti verður klöpp unnin úr svokölluðum Vatnshól efst á framkvæmdasvæði. Til viðbótar verður unnið við hina ýmsu verkþætti og má þar meðal annars nefna yfirborðsfrágang á efnisgeymslusvæði utan við vinnubúðir verktaka, en reiknað er með að hluti af því efni verði nýttur í bakfyllingu þvergarðs á seinni stigum verksins.