Listasýningin Waiting for you to come eftir belgíska listmálarann Ra Tack opnar laugardaginn 30. ágúst kl. 15:00–18:00 í Þórsmörk, Þiljuvöllum 11, 740 Neskaupstað. Sýningin stendur til 31. október 2025.
Í verkum sýningarinnar sameinar Tack áþreifanlega áferð og abstrakt framsetningu við táknræn mynstur sem endurspegla ást, þrá, sögu og sjálfsmynd. Útkoman er list sem talar jafnt til hins áþreifanlega sem hins óáþreifanlega í tilverunni og hvetur áhorfendur til að íhuga margbreytileika listræns heimsins.
Ra Tack (hán) er belgískur listmálari sem býr á Seyðisfirði. Verk þeirra leiða áhorfendur inn í gróskumikinn, tímalausan heim sem er í senn kunnuglegur og ævintýralegur, útópía full af þrá. Olíumálverk Tack kanna þemu umbreytingar, tvíhyggju, ástar og kyrralífs, og blanda saman impressjónískri orku og ögrandi fjarveru vistfræðilegrar hvatar.
Tack hefur haldið fjölda einkasýninga, meðal annars You are in my world now í Skriðuklaustri (2024), Tell me I will be fine after all hjá Associate Gallery (2024) og Let Me Untangle Your Tenderness í IMT Gallery, London (2022). Auk þess hefur hán tekið þátt í fjölmörgum samsýningum, meðal annars í Hafnarborg (2024), Skaftfelli (2025), IMT Gallery í London (2023), Winter Lights Festival í Reykjavík (2022) og Ásmundarsal (2021).
Í ágúst tekur Tack einnig þátt í Hamraborgarhátíðinni í Reykjavík. Hán er í umboði IMT Gallery, London.
Staðsetning: Þórsmörk, Þiljuvellir 11, 740 Neskaupstaður
Opnun: 30. ágúst kl. 15:00–18:00
Sýningartími: 30. ágúst – 31. október 2025
