Föstudaginn 16. desember skrifuðu Hjördís Helga Seljan forseti bæjarstjórnar og Daníel E. Arnarson framkvæmdarstjóri Samtakanna '78 undir samstarfsamning um þjónustu samtakanna við Fjarðabyggð. Fjarðabyggð er sjötta sveitarfélagið sem semur um fræðslu og ráðgjöf við Samtökin ´78.
Markmiðið með samningnum er að stórefla hinsegin fræðslu og meðvitund um hinsegin málefni.
,,Ég verð að hrósa Fjarðabyggð fyrir hversu fljótt og vel þetta gekk fyrir sig. Sveitarfélagið hafði samband í haust og nú er verið að skrifa hér undir,“ sagði Daníel Arnar, framkvæmdastjóri Samtakanna '78.
Þrír einstaklingar úr ungmennaráði voru einnig viðstödd undirritunina, þau Pálína Hrönn, Snjólfur og Elín Eik.
Fræðsla til starfsfólks, nemenda og íbúa Fjarðabyggðar
Samningurinn kveður á um að Samtökin´78 veiti Fjarðabyggð þjónustu gegn ákveðnu fjárframlagi fyrir nokkra þjónustuþætti, til að mynda:
Undirbúningur að fræðslustarfinu er þegar hafinn og gert ráð fyrir að fyrstu fræðslufundir fari fram í byrjun næsta árs.
Afar mikilvægt er að mannréttindi og virðing fyrir fjölbreytileika mannlífsins sé í hávegum höfð. Fjarðabyggð er barnvænt sveitarfélag og vinnur að innleiðingu Barnasáttmála Sameinuðu þjóðanna og er aukin meðvitund um hinsegin málefni í sveitarfélaginu mjög mikilvægur þáttur í þeirri vinnu.
