Börn og starfsfólk Kærabæjar hefur notið veðurblíðunnar sem leikið hefur við austfirðinga undanfarnar vikur.

Kennsla hefur farið fram að stærstum hluta utandyra þar sem vettvangsferðir hafa verið notaðar til kennslu eins og svo oft áður. Farið var í fjöruferð til að skoða og rannsaka dýr og plöntur í fjörunni.  Einn hluti af stærðfræðikennslu og læsi er að geta lesið form úr umhverfi sínu, sem eru mjög víða. Hvort heldur af mannavöldum eða frá náttúrunnar hendi. Fátt er betra en að fá að vera léttklædd úti eða fá tækifæri til að kæla sig þegar hitinn er mikill.