Umfjöllun Fréttablaðsins á ferðaþjónustu fatlaðra gefur til kynna að rekstur málaflokksins gangi vel á landsbyggðini. Staðan var tekin á Akureyri, Vestmannaeyjum, Fljótsdalshéraði, Fjarðabyggð og í Kópavogi í frétt sem birtist í síðasta helgarblaði.

Í fréttinni kemur m.a. fram að á Akureyri sinni fimm sérútbúnir bílar þjónustunni, en í Vestmannaeyjum, á Fljótsdalshéraði og í Fjarðabyggð sé eitt farartæki í hverju sveitarfélagi. Umfang þjónustunnar geri hana einfaldari í rekstri og meðfærilegri gagnvart þörfum notenda.

Í Kópavogi nær þjónustan á hinn bóginn til um 160 til 190 manns og skiptir bæjarfélagið enn við sama fyrirtæki vegna farþegaflutnings fatlaðra og undanfarin ár. 

Tilefni fréttaúttektarinnar er sá vandræðagangur sem einkennt hefur innleiðingu nýrrar tilhögunar á ferðaþjónustu fatlaðra á höfuðborgarsvæðinu, að Kópavogsbæ undanteknum.

Sjá frétt Fréttablaðsins