Ásmundur, sem er 23 ára gamall, hefur verið einn fremsti glímumaður landsins undanfarin ár. Hann var afar sigursæll á árinu 2017 og sigraði í öllum keppnum sem hann tók þátt í. M.a. varð Ásmundur hlutskarpastur í keppninni um Grettisbeltið í apríl og varð þar með glímukóngur Íslands annað árið í röð.

Einnig keppti Ásmundur á fjölmörgum alþjóðlegum mótum í keltneskum fangbrögðum og stóð sig ávalt mjög vel.