Nú þegar er verið að vinna að ótrúlega mörgum skemmtilegum viðburðum í Fjarðabyggð og má þar nefna kvöldvöku Kór-Rey verður í Grunnskólanum á Reyðarfirði fimmtudagskvöldið 28. október, Skógræktin á Reyðarfirði býður upp á hrollvekjandi göngu á milli 18 og 20 á föstudaginn við Stríðárasafnið, Benni Hemm Hemm ásamt hjómsveit heldur tónleika í Tónlistarmiðstöðinni og frumsýnir tónlistarmyndbönd í Valhöll á föstdagskvöld, Hilidibrand býður upp á „Days of the Dead/Dagar myrkurs“ pop up matseðil út Daga myrkurs, kvikmyndin Hálfur-Álfur verður sýnd í Sköpunarmiðstöðinni á sunnudaginn og á laugardagskvöld verður haldin Halloween-dansleikur í Valhöll.

Föstudaginn 29. október er Búningadagur Austurlands í tilefni Daga myrkurs. Við hvetjum alla til þátttöku og munum að taka myndir, setjum á samfélagsmiðla og merkjum: #dagarmyrkurs

Lýsum upp skammdegið og setjum út ljósaseríur og kveikjum á kertum og hverju sem passar við Daga myrkurs. Skreytum húsin og garðana okkar með ljósum hvort sem um er að ræða íbúðarhúsnæði, stofnanir eða fyrirtæki. Skreytum glugga sem snúa út að götum. Á Dögum myrkurs hvetjum við alla l til að velja a.m.k. einn glugga í húsinu sem er áberandi. Við getum valið að hafa gluggann rómantískan, hræðilegan, með trölla- og draugaþema, með hrekkjavökuþema, eða bara hvað sem hugurinn stendur til. Tökum myndir af gluggunum og setjum á samfélagsmiðla #dagarmyrkurs

Tökum þátt í ljósmyndasamkeppni. Hægt er að senda inn ljósmyndir á dagarmyrkurs@austurbru.is Verðlaun fyrir 1. sætið eru 50.000.- Tekið verður við myndum til og með 2. nóvember.

Nánari upplýsingar um viðburði má finna á Facebook-síðu Menningarstofu og hjá viðburðahöldurum.

Góða skemmtun!