Forstöðumaður Skíðamiðstöðvarinnar í Oddsskarði.
Athugið framlengdur umsóknarfrestur til 14. júní
Laus er til umsóknar staða forstöðumanns við Skíðamiðstöðina í Oddsskarði. Um er að ræða framtíðarstarf. Æskilegt er að viðkomandi geti hafið störf þann 1. september nk.
Skíðasvæðið í Oddsskarði eða Austfirsku alparnir, eins og skíðasvæðið milli Eskifjarðar og Norðfjarðar er oft kallað, er eitt skemmtilegasta skíðasvæði landsins. Á skíðasvæðinu eru tvær toglyftur og barnalyfta, góð aðstaða er fyrir brettafólk og skíðaskáli
Megin viðfangsefni:
- Ábyrgð á rekstri, þjónustu og starfsmannahaldi skíðamiðstöðvarinnar.
- Þjónusta við notendur skíðamiðstöðvarinnar.
- Almennur rekstur skíðamiðstöðvarinnar.
- Þróunarstarf og vinna við að koma upp heilsársstarfsemi í Oddsskarði.
Menntunar- og hæfniskröfur:
- Háskólamenntun sem nýtist í starfi.
- Mikil og góð þekking á rekstri skíðasvæða.
- Reynsla af störfum á skíðasvæði.
- Þekking á stefnumótandi áætlanagerð og reynsla af vinnu við fjárhagsáætlanir.
- Reynsla af stjórnun og starfsmannahaldi.
- Hæfni í mannlegum samskiptum.
- Geta til að taka þátt í og stjórna breytingum.
- Hæfni til að miðla upplýsingum í töluðu og rituðu máli.
- Góð þekking á tölvum og netmiðlum.
Starfslýsing Forstöðumaður SKO 2020.
Launakjör eru samkvæmt kjarasamningum Launanefndar sveitarfélaga og viðkomandi stéttarfélags. Starfið hæfir jafnt konum sem körlum.
Umsóknarfrestur er til og með 14.júní 2020.
Nánari upplýsingar veitir Bjarki Ármann Oddsson bjarki.a@fjardabyggd.is eða í síma 470 9000.
Sótt er um starfið á ráðningavef Fjarðabyggðar með því að smella hér