Mánaðarlegir fræðsluviðburðir fyrir eldra fólk í Fjarðabyggð
24.09.2025
Klukkan 17:00
Öldungaráð Fjarðabyggðar, í samstarfi við félög eldra fólks, stendur fyrir mánaðarlegum fræðslu- og kynningarviðburðum þar sem áhugaverð og gagnleg málefni eru tekin fyrir.
Fyrsti viðburðurinn var haldinn í maí og var afar vel sóttur. Þar hélt Lögreglan á Austurlandi fræðslu um netsvindl og öryggi á netinu.
Næsti viðburður verður haldinn miðvikudaginn 24. september, þar sem ráðgjafi frá Píeta samtökunum mun kynna starfsemi samtakanna og ræða hvernig þau geta stutt eldra fólk í gegnum erfiðar tilfinningar og lífsáskoranir.
Við hvetjum allt eldra fólk í Fjarðabyggð til að mæta – fræðslan er ókeypis, aðgengileg og mikilvæg.“
