Á bloggsíðu Veðurstofu vegna úrkomu á Eskifirði kemur fram að um hádegi í gær var áköf rigning í nokkra klukkustundir en lítið hefur ringt frá því um kvöldmatarleitið í gær. Uppsöfnuð úrkoma síðastliðinn sólarhring eru um 24 mm. Búast má við áframhaldandi úrkomu fram yfir helgi en spáin gerir ráð fyrir að hún verði lítil í dag, föstudag. Seinnipartinn á laugardaginn ganga úrkomuskil yfir Austfirði og rignir fram á sunnudagsmorgun.
25.11.2022
Frá Veðurstofu Íslands: Staða mála á Eskifirði
Fylgst hefur verið vel með aðstæðum í grennd við Eskifjörð síðustu daga og hafa verið farnar nokkrar ferðir til að leggja mat á aðstæður. Mikið hefur verið í ám á tímabili en engar vísbendingar um óstöðugleika hafa verið greinilegar í yfirborði.
Grunnvatnsstaða hækkaði lítillega eftir rigninguna síðustu tvo daga en er farin að lækka á ný og er vatnshæðin svipuð og hún var fyrir þessa rigningu. Óverulegar hreyfingar hafa komið fram á aflögunarmælunum síðastliðinn sólarhring.