Fyrsti sameiginlegi fundur fræðslunefndar og ungmennaráðs var haldinn miðvikudaginn 8. mars. Í erindisbréfi ungmennaráðs er gert ráð fyrir einum sameiginlegum fundi á ári með fræðslunefnd og tókst þessi fyrsti fundur vel og mikil ánægja var með samstarfið.
10.03.2023
Sameiginlegur fundur fræðslunefndar og ungmennaráðs
Þrjú mál voru á dagskrá fundarins, skóladagatöl leik-, grunn- og tónlistarskóla 2023-2024, úthlutunarreglur kennslutímamagns til grunnskóla og Barnvænt sveitarfélag, þar sem gerð var grein fyrir vel heppnuðu ungmennaþingi sem haldið var í Fjarðabyggð 1. mars. Líflegar og uppbyggilegar umræður áttu sér stað á fundinum um alla dagskrárliði og mikill hugur í fólki.