Bæjarhátíðin Støð í Stöð hófst í gær með látum þegar Íslandsmeistaramótið í bubblubolta fór fram. Støðið á Stöðvarfirði heldur áfram í dag og yfir helgina en dagskráin er ekki af verri endanum.
Má þar nefna ball með Páli Óskari í kvöld og á morgun mætir Lalli Töframaður á svæðið. Þá verða Pétur Jesú og Einar úr Buffinu einnig á staðnum og að sjálfsögðu verða hoppukastalar og froðubrautin ásamt ýmsum öðrum uppákomum.
