Bæjarráð

Framlagt bréf Skipulagsstofnunar frá 5.september, þar sem fallist er á að framkvæmdir við ofanflóðavarnir á Fáskrúðsfirði við Nýjabæjarlæk séu ekki háðar mati á umhverfisáhrifum. Lagt fram til kynningar.

Framlagt til kynningar fundarboð og dagskrá aðalfundar SSA 2012 sem haldinn verður 14. og 15. september á Borgarfirði eystri. Rætt um undirbúning fundar.

<DIV><DIV>Framlögð greinargerð fjármálasviðs, frá 7.september, um áhrif breytinga á tekjumörk í reglum um afslátt af fasteignaskatti eldri borgara og örorkulífeyrisþega.  Bæjarráð sammála um að tekjumörk verði endurskoðuð í tengslum við fjárhagsáætlunargerð 2013. Bæjarstjóra falið að leggja endanlega tillögu fyrir bæjarráð síðar.   </DIV></DIV>

Framlagt fundarboð ársfundar Jöfnunarsjóðs sveitarfélaga 2012 sem haldinn verður 26. september nk. í Reykjavík.  Bæjarráð felur bæjarritara að sækja ársfundinn fyrir hönd sveitarfélagsins.

<DIV>Bæjarstjóri fór yfir stöðu mála vegna umræðu um félagsaðstöðu eldri borgara og ungmenna á Stöðvarfirði.  Tekið fyrir á næsta fundi þegar frekari upplýsingar liggja fyrir.</DIV>

<DIV>Framlagt bréf, dagsett 23.ágúst, frá foreldrum barna á deildinni Saltkráku á Sólvöllum í Neskaupstað, þar sem óskað er eftir afslætti á leikskólagjaldi vegna flutnings hluta barna inn á Kirkjumel. Einnig lagt fram minnisblað fræðslustjóra frá 9.september.  Erindi foreldra vísað til fræðslu- og frístundanefndar til umsagnar.  Tekið fyrir á fundi bæjarráðs síðar í mánuðinum.  </DIV>

Framlagt bréf umhverfis- og auðlindaráðuneytisins þar sem óskað er umsagnar um ný náttúruverndarlög fyrir 25.september.  Eigna-, skipulags- og umhverfisnefnd er falin afgreiðsla málsins og að gefa umsögn fyrir tilgefinn frest. 

<DIV>Aukaaðalfundur Menningarráðs Austurlands verður haldinn á Borgarfirði eystri 14. september 2012. Lögð fram dagskrá fundar ásamt breytingum á samþykktum ráðsins og viðauka við samning sveitarfélaga um menningarmál.  Fulltrúar Fjarðabyggðar á fundinum verða Ásta Kristín Sigurjónsdóttir, Esther Ösp Gunnarsdóttir, Elvar Jónsson, Jón Björn Hákonarson og Páll Björgvin Guðmundsson.  </DIV>

<DIV><DIV>Framlagt bréf Snorra Jónssonar frá 1.september, þar sem óskað er eftir heimild til að fá að heyja tún á jörðinni Hólmum í Reyðarfirði. Einnig lagt fram minnisblað mannvirkjastjóra frá 9.september.  Á grundvelli aðalskipulags Fjarðabyggðar getur bæjarráð ekki fallist á ósk Snorra og felur bæjarstjóra að svara erindinu.</DIV></DIV>

<DIV>Umræða um innkaupareglur. Bæjarráð vísar reglunum til fjármálasviðs og bæjarstjóra til frekari vinnslu. </DIV>

Framlagt bréf Þórðar Júlíussonar skólameistara Verkmenntaskóla Austurlands, frá 24.ágúst, um gerð þrautabrautar í nágrenni skólans. Vísað til fræðslu- og frístundanefndar.  

Framlagður til kynningar verksamningur um framkvæmdir við stofnlögn vatnsveitu á Fáskrúðsfirði í samvinnu með RARIK.  Bæjarráð hefur áður samþykkt framkvæmdina og staðfestir nú samninginn.

<DIV>Fundargerð félagsmálanefndar nr. 33 frá 3.september 2012 lögð fram til kynningar.</DIV>

Fundargerð eigna-, skipulags- og umhverfisnefndar nr. 45 frá 3.september 2012 lögð fram til kynningar.