Bæjarráð

Fram lögð umsókn um stækkun lóðar Búðargötu 2 frá Jónasi Helgasyni fyrir hönd Tærgesen ehf dagsett 23. janúar 2013. Eigna-, skipulags- og umhverfisnefnd hefur samþykkt stækkun lóðarinnar fyrir sitt leyti.
Bæjarráð samþykkir að úthluta stækkun lóðarinnar.

Lagður fram tölvupóstur frá Ferðaþjónustunni á Mjóeyri dagsettur 4. desember 2012 þar sem óskað er eftir samstarfi við Fjarðabyggð um umhirðu svæða utan lóðarmarka Ferðaþjónustunnar. Tekið fyrir á 53. og 55. fundi eigna-, skipulags- og umhverfisnefndar. Lögð fram drög að samkomulagi um afnot og umhirðu svæða utan lóða Strandgötu 120 og 122 á Mjóeyri.
Bæjarráð samþykkir samkomulag um afnot og umhirðu Mjóeyrarinnar á Eskifirði neðan Helgustaðavegar.

Fram lögð endurnýjun á aðildarumsókn Fjarðabyggðar að rammasamningum Ríkiskaupa.
Bæjarráð samþykkir að aðild að rammasamningi Ríkiskaupa verði endurnýjuð.

Fram lagt minnisblað framkvæmdasviðs, dagsett 18. janúar 2013, vegna stofnkostnaðar við tengingu á gólfhitakerfi Fjarðabyggðarhallarinnar. Áætlaður kostnaður við tengingu kerfisins er 6,3 mkr. Umrædd framkvæmd er ekki innan framkvæmdaráætlunar sveitarfélagsins. Ekki hefur verið lagt mat á kostnað við kyndingu, en ljóst að hann er nokkur þar sem þak hússins er ekki einangrað og gaflar opnir. Eigna-, skipulags- og umhverfisnefnd vísar málinu til umræðu og afgreiðslu bæjarráðs.
Bæjarráð samþykkir að fela bæjarstjóra og mannvirkjastjóra að taka upp viðræður við Reiti ehf. um málefni Fjarðabyggðarhallarinnar og frestar afstöðu þar til niðurstöður úr viðræðum liggja fyrir.

Í samræmi við 2. mgr. 63. gr. sveitarstjórnarlaga þarf að samþykkja viðauka vegna tilfærslu á fjármunum á milli málaflokka í samþykktri fjárhagsáætlun fyrir árið 2012. Fram lagðar samandregnar fyrri samþykktir bæjarráðs um ráðstöfun af málaflokki 21-69 óráðstafað auk ráðstöfunar stjórnsýslu- og þjónustusviðs á náms og starsþróunarstyrkjum á árinu 2012.
Bæjarráð samþykkir viðaukann fyrir sitt leyti og vísar honum til staðfestingar bæjarstjórnar.

Fram lagt bréf frá Eftirlitsnefnd með fjármálum sveitarfélaga þar sem nefndin óskar ekki eftir frekari upplýsingum frá sveitarfélaginu um hvernig það hyggst ná viðmiðum.

Eigna-, skipulags- og umhverfisnefnd gerir að tillögu sinni að Mýrargötu 2 í Neskaupstað verði bætt á forkaupsréttarlista sveitarfélagsins.
Bæjarráð samþykkir að Mýrargötu 2 verði bætt inn á forkaupsréttarlista Fjarðabyggðar. Vísað til staðfestingu bæjarstjórnar.

Fram lögð tillaga til þingsályktunar um framkvæmdaáætlun í barnavernd.
Vísað til barnaverndarnefndar.

Lagt fram til umfjöllunar drög að afsali/samningi um sölu gamla barnaskólanum á Eskifirði til Veraldarvina.
Afsalið er sett upp í samræmi við reglur Fjarðabyggðar um styrki í tengslum við atvinnuuppbygginu vegna endurgerðar gamalla húsa og fasteigna í eigu Fjarðabyggðar.
Eigna- skipulags- og umhverfisnefnd samþykkir samninginn fyrir sitt leyti og vísar honum til umræðu og afgreiðslu bæjarráð. Nefndin leggur áherslu á að breytt notkun á húsnæðinu verði grenndarkynnt, þegar hún liggur fyrir.
Bæjarráð samþykkir felur mannvirkjastjóra að vinna að málinu og fá frekari gögn.

Lögð fram breytt sölugjaldskrá fyrir Rafveitu Reyðarfjarðar, en Alþingi breytti lögum um umhverfis- og auðlindaskatt, þann 28. desember sl., eftir að bæjarstjórn staðfesti gjaldskrábreytinguna. Skatturinn á hverja kWh er breytt úr 0,12 kr. í 0,126 kr. Gert er ráð fyrir að skatturinn falli niður 31. desember 2015.
Eigna-, skipulags og umhverfisnefnd vísar gjaldskrá til afgreiðslu bæjarráðs.
Bæjarráð samþykkir gjaldskrána.

Lagt fram minnisblað frá mannvirkjasviði sem eigna-, skipulags- og umhverfisnefnd hefur tekið til umfjöllunar og vísað til afgreiðslu bæjarráðs. Lagt er til að farið verði í framkvæmdir við hreinsun neysluvatns en kostnaður nemur um 7.7 milj. kr.. Framkvæmdin er ekki inn á framkvæmdaáætlun sveitarfélagsins.
Bæjaráð samþykkir framkvæmdina sbr. tillögu mannvirkjasviðs og felur mannvirkjastjóra og fjármálastjóra að leggja fram viðauka við fjárhagsáætlun ársins 2012.

Fram lögð til kynningar drög að samkomulagi milli Fjarðabyggðar og Vegagerðar vegna nýrra Norðfjarðarganga vegna frágangs og skipulagsmála.
Bæjarráð felur mannvirkjastjóra og bæjarstjóra að vinna áfram á málinu.

Fram lagt minnisblað framkvæmdasviðs vegna kröfu um söfnun hauggas ásamt viðmiðum og túlkun niðurstaðna en óskað hafði verið eftir undanþágu frá viðmiðum. Lagt er til að haldið verði áfram að taka á móti lífrænum úrgangi á urðunarstaðnum eftir 16. júlí 2013. Jafnframt verði skoðaðar leðir til að draga úr urðun lífræns úrgangs m.a. með meiri heimajarðgerð.
Bæjaráð samþykkir að sótt verði um undanþágu frá viðmiðum með vísan til minnisblaðsins.

Erindi frá Skipulagsstofnun dags. 15. janúar 2013 þar sem kynnt er innkomin tilkynning um 10.000 tonna eldi í kvíum í Reyðarfirði og óskað er umsagnar sveitarfélagsins um hvort og þá á hvaða forsendum framkvæmdin skuli háð mati á umhverfisáhrifnum. Umsögn skal berast fyrir 1. febrúar 2013.
Fyrir fundinum lágu drög að umsögn og samþykkir hafnarstjórn drögin fyrir sitt leiti og vísar þeim til bæjarráðs.
Bæjarstjóra falið að ganga frá umsögn um málið á grundvelli minnisblaðs. Vísað til staðfestingu bæjarstjórnar.

Frumvarp til laga um sjúkraskrár lagt fram til kynningar.
Vísað til félagsmálanefndar.

Ingibjörg Ólafsdóttir var fulltrúi Fjarðabyggðar en hefur flutt af staðnum og þarf að skipa fulltrúa í rannsóknarsjóðinn.
Bæjarráð samþykkir að skipa Helgu Guðrúnu Jónasdóttur sem fulltrúa Fjarðabyggðar í Rannsóknarsjóðs Fjarðabyggðar og Landsbanka Íslands.

Lagt fram bréf Skipulagsstofnunar dagsett 16. janúar 2013 þar sem óskað er eftir umsögn Fjarðabyggðar á matsskyldu vegna stækkunar Norðfjarðarhafnar.
Bæjarráð samþykkir umsögn fyrir sitt leyti og vísar til staðfestingar bæjarstjórnar. Vísað til hafnarstjórnar til kynningar.

Fram lagt til kynningar bréf Sigfúsar Vilhjálmssonar staðarhaldara í Mjóafirði vegna vegamála í Mjóafirði.
Bæjarráð felur bæjarstjóra í samráði við bréfritara að afla upplýsinga um fyrirhugaðar framkvæmdir í vegamálum á Mjóafirði og fylgja málinu eftir.

Fram lögð til kynningar tillaga til þingsályktunar um velferðarstefnu heilbrigðisáætlunar til ársins 2020.
Vísað til félagsmálanefndar.

Lögð fram áætlun um eftirlit, viðbúnað og aðgerðir vegna snjóflóðahættu á skíðasvæðinu í Oddsskarði. Áætlunin hefur verið unnin samkvæmt reglugerð 636/2009 um hættumat vegna snjóflóða á skíðasvæðum.
Eigna-, skipulags- og umhverfisnefnd samþykkti áætlunina fyrir sitt leyti og vísar henni til afgreiðslu bæjarráðs.
Bæjarráð frestar afgreiðslu málsins til næsta fundar.

Fram lögð viðmið fyrir gjaldfrjáls afnot og afslætti af gjaldskrám íþróttamannvirkja Fjarðabyggðar.
Bæjarráð vísar viðmiðum til frekari umræðu í fræðslu- og frístundanefnd.
Bæjarráð felur bæjarstjóra að koma ábendingum bæjarráðs á framfæri við nefndina.

Fundargerð hafnarstjórnar nr. 323 frá 21. janúar lögð fram til kynningar.

Fundargerð fræðslu- og frístundanefndar nr. 35 frá 23. janúar lögð fram til kynningar.

Fundargerð eigna-, skipulags- og umhverfisnefndar nr. 55 frá 21. janúar lögð fram til kynningar.

Fundargerð atvinnu-og menningarnefndar nr. 40 frá 24. janúar lögð fram til kynningar.