Bæjarráð

Framlagt bréf framkvæmdastjóra Hulduhlíðar þar sem spurst er fyrir um framtíð húsnæðis Hulduhlíðar að Bleiksárhlíð 56 á Eskifirði.
Bæjarstjóra falið að vinna áfram að málinu og svara framkvæmdastjóra.

Bæjarstjórn vísaði málinu til fullnaðarafgreiðslu bæjarráðs þann 20. febrúar s.l. Framlögð drög að umsögn um frumvarp til laga um breytingu á stjórnun fiskveiða sem unnin er á grundvelli skýrslu KPMG endurskoðunar.
Bæjarráð samþykkir umsögnina og felur bæjarstjóra að senda hana.
Bæjarráð Fjarðabyggðar telur að þær breytingar sem gerðar hafa verið á frumvarpinu breyti ekki meginatriðum þess og mun jafnvel hafa meiri neikvæð áhrif í sveitarfélaginu en hið fyrra. Bæjaráð Fjarðabyggðar stendur því við fyrri umögn sína, mótmælir framlögðu frumvarpi og hvetur stjórnvöld til að hafa víðtækt samráð um framtíðarskipan fiskveiðistjórnunar.

Framlagt aðalfundarboð Lánasjóðs sveitarfélaga þann 15. mars 2013 á Grandhótel í Reykjavík.
Bæjarráð felur bæjarstjóra að fara með fullnaðarumboð Fjarðabyggðar á aðalfundinum og bæjarritari til vara.

Fram lagt bréf fjármálastjóra þar sem óskað er eftir láni úr Ofanflóðasjóði vegna framkvæmda við ofanflóðavarnir í Neskaupstað.
Lagt fram til kynningar. Fjármálastjóra falið að vinna málið áfram.

Framlögð tillaga dómnefndar að nafn og merki fyrir almenningssamgöngur á Austurlandi.
Lagt fram til kynningar.

Framlagt til kynningar frumvarp til laga um breytingu á lögum um kosningar til sveitarstjórna.

Framlagt bréf Skólaskrifstofu Austurlands þar sem lýst er áhyggjum af stöðu geðlæknis- og sálfræðiþjónustu barna- og unglingadeildar Fjórðungssjúkrahússins á Akureyri við Skólaskrifstofu.
Bæjarráð tekur undir efni bréfs Skólaskrifstofu Austurlands og lýsir þungum áhyggjum af skerðingu á þjónustu Fjórðungssjúkrahússins á Akureyri í þessum málaflokki. Jafnframt vísað til fræðslu- og frístundanefndar og félagsmálanefndar.

Framlögð til kynningar niðurstaða úr viðræðum Samninganefndar sveitarfélaga og Félags Grunnskólakennara um endurnýjaða viðræðuáætlun.

Dagana 20-22.mars næstkomandi verður haldið námskeið í Brussel um byggðastefnu ESB
undir yfirskriftinni: Þátttaka sveitarfélaga í byggðastefnu Evrópusambandsins. Markmið ferðarinnar er að kynna byggðastefnu ESB og aðkomu sveitarstjórnarstigsins að henni. Kjörnir fulltrúar í sveitarstjórnum og æðstu embættismenn sveitarfélaga geta sótt um þátttöku.
Framlagt til kynningar.