Bæjarráð

Þennan dagskrárlið fundar sátu Hilmar Gunnlaugsson lögmaður frá Sókn ásamt fjármálastjóra.
Framlögð gögn merkt trúnaðarmál.
Bæjarráð vísar málinu til afgreiðslu bæjarstjórnar þann 7. mars 2013.

Eigna- skipulags- og umhverfisnefnd vísaði til bæjarráðs, erindi frá Rósu Valtingojer verkefnastjóra Sköpunarmiðstöðvarinnar, þar sem fer hún fram á framlengingu á húsaleigusamningi um íbúðarhúsnæði að Leynimel 11, 755 Stöðvarfirði. Rósa óskar eftir að sá samningur verði byggður á sömu kjörum og eldri samningur.
Samkvæmt reglum Fjarðabyggðar um útleiga íbúða til félagasamtaka er endurgjaldslaus leigutími 4 mánuðir.
Bæjarráð felur mannvirkjastjóra að ræða við bréfritara. Jafnframt er mannvirkjastjóra að falið að meta reynslum reglum og koma með tillögur að breytingum á þeim ef þörf þykir.

Framlagt bréf stjórnar Lífeyrissjóðs Neskaupstaðar þar sem lagt er til að endurgreiðsluhlutfall launagreiðenda verði óbreytt frá fyrra ári, þ.e. 66 % fyrir árið 2013.
Bæjarráð samþykkir tillögu stjórnarinnar um að hlutfallið verði 66% árið 2013.

Drög að umsögn Sambandsins vegna breytinga á lögum um kosningar til sveitarstjórna lögð fram til kynningar.
Bæjarráð lýsir áhyggjum af flóknum reglum um kosningar til sveitarstjórna og felur bæjarritara að koma þeim á framfæri við umsagnaraðila hjá Sambandi íslenskra sveitarfélaga.

Bæjarráð fól bæjarritara á fundi nr. 327 að meta kostnað við endurgjaldslaus afnot starfsmanna Fjarðabyggðar af skipulögðum samgöngum. Framlagt minnisblað bæjarritara.
Bæjarráð felur bæjarritara að semja reglur um afnot starfsmanna af skipulögðum samgöngum.

Framlagt bréf Velferðarvaktarinnar þar sem sveitarfélög eru hvött til að setja sér fjölskyldustefnu og áætlun um framkvæmd hennar.
Vísað til félagsmálanefndar og fræðslu- og frístundanefndar.

Þennan lið dagskrár sat mannvirkjastjóri.
Lagt fram samkomulag milli Vegagerðar og Fjarðabyggðar vegna mála tengdum nýjum Norðfjarðargöngum.
Bæjarráð samþykkir samkomulagið og felur bæjarstjóra undirritun þess.

Framlagt til kynningar frumvarp til laga um útlendinga 541. mál.
Vísað til félagsmálanefndar.

Fundargerð atvinnu- og menningarnefndar frá 28. febrúar lögð fram til kynningar.

Fundargerð eigna-, skipulags- og umhverfisnefndar frá 25. febrúar lögð fram til kynningar.