Bæjarráð

Fram lögð beiðni um styrk vegna ráðstefnu sérnámslækna í heimilislækningum sem haldin verður í Fjarðabyggð 11. til 14. apríl nk. Bæjarráð samþykkir að styrkja ráðstefnuna um allt að 100.000 kr. Tekið af liðnum óráðstafað 21-69.

Þennan lið dagskrár sat fjármálastjóri. Frá fundi bæjarráðs sem samþykkti 25.febrúar að sækja um lán úr Ofanflóðasjóði vegna framkvæmda við ofanflóðavarnir á árunum 2011 og 2012. Ofanflóðasjóður hefur samþykkt lánveitingu að upphæð 110 millj. króna. Lántakan er ekki í samþykktri fjárhagsáætlun fyrir árið 2013. Bæjarráð samþykkir viðaukann fyrir sitt leyti og vísar honum til staðfestingar bæjarstjórnar.

Þennan lið dagskrár sat fjármálastjóri.
Farið yfir málefni Reita hf. og lögð fram gögn merkt trúnaðarmál.
Bæjarstjóra og fjármálastjóra falið að vinna áfram að málinu á grundvelli minnisblaðs.

Eigna-, skipulags- og umhverfisnefnd vísar endurnýjun á samningi um rekstur Egilsbúðar til bæjarráðs til umræðu og afgreiðslu.
Bæjarráð felur bæjarstjóra að vinna að samningnum.

Framlögð til kynningar fundargerð 5. stjórnarfundar Samtaka sjávarútvegssveitarfélaga.

Framlagt bréf Lánasjóðs sveitarfélaga ohf. þar sem tilkynnt er um arðgreiðslu vegna ársins 2012 að fjárhæð 12.219.600 kr.

Framlögð til kynningar gögn frá aðalfundi Lánasjóðs sveitarfélaga, ársskýrsla og ársreikningur 2012.

Þennan lið dagskrár sátu formenn atvinnu- og menningarnefndar og hafnarstjórnar til að fjalla um beiðni Menningarfélagsins um afnot af Safnahúsinu í Neskaupstað.
Vísað til frekari umræðu í atvinnu- og menningarnefnd.

Framlögð til kynningar starfsáætlun Sambands íslenskra sveitarfélaga vegna ársins 2013 og ársskýrsla 2012.

Þennan lið dagskrár sátu fjórir fulltrúar Heilbrigðisstofnunar Austurlands vegna málefna stofnunarinnar, Stefán Þórarinsson, Emil Sigurjónsson, Þórhallur Harðarson og Nína Hrönn Gunnarsdóttir.

Fundargerð eigna-, skipulags- og umhverfisnefndar nr. 59 frá 25. mars lögð fram til kynningar.

Fundargerð barnaverndarnefndar nr. 33. frá 26. mars lögð fram til kynningar.