Bæjarráð

Bæjarstjóri fór yfir stöðu mála.
Bæjarráð felur bæjarstjóra að vinna áfram að málinu.

Fram lögð greinargerð merkt trúnaðarmál.
Bæjarstjóri gerði grein fyrir stöðu málshöfðunar gagnvart Lánasjóði sveitarfélaga.

Þennan lið dagskrár sat fræðslustjóri.
Tillaga bæjarstjóra og fræðslustjóra til bæjarráðs er að auglýsa stöðu skólastjóra í Grunnskóla Fáskrúðsfjarðar. Í lok sumars 2013 fari fræðslustjóri í samráði við stjórnendur skólanna í þá vinnu að skoða og útfæra tillögur að leiðum sem stuðli að meira samstarfi og/eða sameiningu þessara stofnana í eina skólamiðstöð á Suðurfjörðum með hagsmuni nemenda og rekstur sveitarfélagsins að leiðarljósi. Afrakstur vinnunnar verði kynntur bæjarráði ekki seinna en við fyrri umræðu fjárhagsáætlunar fyrir árið 2014.
Bæjarráð samþykkir tillögu bæjarstjóra og fræðslustjóra.

Bæjarstjóri gerði grein fyrir málum sem tengjast íbúðum fyrir 60 ára og eldri.
Bæjarstjóra falið að vinna að málinu áfram.
Bæjarstjóra heimilað að taka allt að 500.000 kr. af óráðstöfuðu, 21-69 vegna sérfræðivinnu.

Ársfundur Austurbrúar verður haldinn föstudaginn 31.maí kl. 14:00 í Herðubreið Seyðisfirði. Fulltrúar í fulltrúaráði fara með atkvæðisrétt á ársfundi, aðrir fundarmenn hafa málfrelsi og tillögurétt að undanskildum tillögurétti til stjórnarkjörs.
Atvinnu- og menningarnefnd leggur til við bæjarstjórn að Páll Björgvin Guðmundsson fari með atkvæði Fjarðabyggðar á fundinum.

Tekið fyrir á fundi ESU. Vinnumálastofnun hefur úthlutað Fjarðabyggð 5 tímabundnum störfum fyrir námsmenn.
Bæjarráð samþykkir að ungemennum yngri en 18 ára verði tryggð vinna í allt að 8 vikum á vegum sveitarfélagsins enda verði kostnaði mætt með lækkun á aðkeyptri vinnu framkvæmdasvið í gatna- og umhverfismálum.

Lagt fram minnisblað þroskaþjálfa og félagsmálastjóra vegna skilgreiningu á íbúðum að Sunnugerði á Reyðarfirði, sem íbúðir með sólarhringsþjónustu fyrir fatlað fólk. Á fundi félagsmálanefndar þann 14. maí. tók nefndin undir tillögur starfsmanna og mælist til þess að húsnæðið að Sunnugerði verði skilgreint sem búsetuþjónusta fyrir fólk með fötlun í samræmi við reglugerð nr. 1054/2010 um þjónustu við fatlað fólk á heimili sínu.
Bæjarráð samþykkir að húsnæði að Sunnugerði 7 á Reyðarfirði verði skilgreint sem búsetuþjónusta fyrir fólk með fötlun. Jafnframt er framkvæmdasviði falið að leita leiða til að hefja endurbætur í samráði við fjölskyldusvið.

Bæjarstjórn samþykkti að vísa samþykktum sveitarfélagsins til síðari umræðu í bæjarstjórn og frekari vinnslu í bæjarráði milli umræðna.
Fram lagðar uppfærðar samþykktir um stjórn Fjarðabyggðar og fundarsköp bæjarstjórnar frá fyrstu umræðu með athugasemdum sem komu frá innanríkisráðuneytinu.
Breytingarnar samþykktar og vísað til síðari umræðu í bæjarstjórn.

Bæjarstjórn samþykkti á 135. fundi sínum að vísa samþykktum nefnda til síðari umræðu í bæjarstjórn og frekari vinnslu í bæjarráði milli umræðna.
Bæjarráð samþykkir samþykktir nefnda með breytingum um að þær verði erindisbréf nefnda sem bæjarstjórn setur þeim. Vísað til síðari umræðu í bæjarstjórn.

Innkaupareglur voru til umfjöllunar á 340. fundi bæjarráðs og var vísað til frekari umfjöllunar bæjarráðs.
Bæjarráð samþykkir að breyta viðmiðum í verðfyrirspurnum í kaupum á þjónustu og vörum sbr. 10. gr. í reglunum úr 2 milj. kr. í 3 milj. kr., að lágmarki.
Vísað til staðfestingar bæjarstjórnar.

Bæjarráð vísaði á 340. fundi sínum jafnréttisáætlun til frekari umfjöllunar á næsta fundi bæjarráðs og orðalagsbreytinga.
Vísað til fyrri umræðu í bæjarstjórn.

Lagðar fram upplýsingar um fyrirhugaða hátíð á Stöðvarfirði í sumar. Leggur atvinnu- og menningarnefndin til að hátíðin fái aðgang að tjaldsvæði, íþróttaaðstöðu og samkomuhús sveitarfélagsins og vísar málinu til bæjarráðs.
Bæjarráð samþykkir að hátíðin fái afnot af tilgreindum mannvirkjum.

Bæjarráð vísaði málinu á fundi 340 til frekari umfjöllunar í bæjarráði.
Bæjarráð samþykkir að bæjaráði sem stjórnsýslunefnd sé falið að vinna í sumar viðmiðunarreglur er varði pólitíska umfjöllun á efni kostuðu af sveitarfélaginu.

Tekin umræða um endurnýjun á samnngi við núverandi leigutaka Egilsbúðar.
Tillaga bæjarstjóra er að í grein 18. í samningi um rekstur félagsheimilsins Egilsbúðar verði breytt á þann veg að "samningsaðilar skuli ákvaða sameiginlega fyrir 15. September 2013 hvort endurnýja skuli samninginn um allt að 2 ár". Dagsetning í núverandi samningi er 31.maí 2013.
Bæjarráð samþykkir tillöguna.

Framlagt bréf Sigurðar Gunnarssonar þar sem fjallað er um gerð hálendisvegar norðan Vatnajökuls.
Bæjarráð felur bæjarritara að óska eftir fundi með bréfritara.

Framlagt til kynningar bréf frá Hagsmunasamtökum heimilanna um nauðungarsölur á fasteignum einstaklinga.

Fundargerð samgöngunefndar SSA nr. 1 frá 15. maí lögð fram til kynningar.

Fundargerð hafnarstjórnar frá 21. maí s.l. lögð fram til kynningar.

Fundargerð eigna-, skipulags- og umhverfisnefndar frá 21. maí lögð fram til kynningar.

Fundargerð atvinnu- og menningarnefndar frá 23. maí lögð fram til kynningar.

Fundargerð félagsmálanefndar frá 14. maí lögð fram til kynningar.