Bæjarráð

Þennan dagskrárlið fundar sat fjármálastjóri. Bæjarráð felur fjármálastjóra að hefja vinnu við endurfjármögnun leigusamninga Eignarhaldsfélagsins Fasteignar hf. og skoða samhliða því aðra fjármögnunarsamninga.

Dagskrárliður er trúnaðarmál. Þennan dagskrárlið fundar sat fjármálastjóri. Bæjarstjóri og fjármálastjóri fóru yfir málið.

Framlagt minnisblað fræðslustjóra um styrki til greiðslu fasteignaskatts til félaga sem falla undir reglur um niðurfellingu fasteignaskatts að 9/10 hlutum hafi félög skilað inn nauðsynlegum gögnum sbr. reglur.
Um er að ræða Ungmennafélagið Leikni, Ungmennafélagi Austra, Golfklúbb Norðafjarðar og Rekstrarfélag Dalahallarinnar alls að fjárhæð 588.386 kr. Bæjarráð samþykkir styrkveitingu.

Bæjarstjórn vísað á 136. fundi sínum jafnréttisstefnu til síðari umræðu í bæjarstjórn og frekari vinnslu í bæjarráði m.a. vegna orðalagsbreytinga í kafla 3.3.1. Bæjarritara falið að breyta orðalagi í grein 3.3.1. sbr. umræður á fundi.

Framlögð drög að upplýsingaöryggisstefnu fyrir Fjarðabyggð ásamt minnisblaði frá Bjarni Júlíussyni um upplýsingaöryggi sveitarfélagsins og ráðstafanir. Bæjarráð samþykkir stefnuna fyrir sitt leyti og vísar henni til afgreiðslu bæjarstjórnar.

Framlagt bréf Sigfúsar Vilhjámssonar staðarhaldara í Mjóafirði um hljóðvitann á Dalatanga og viðhald hans. Óskað er eftir styrk að fjárhæð 100.000 kr. Bæjarráð tekur vel í erindið og vísar því til umræðu og afgreiðslu í hafnarstjórn.

Framlögð fundargerð stjórnar Samtaka orkusveitarfélaga frá 17. maí sl. ásamt stefnumörkun stjórnar samtakanna.

Einar Birgir Kristjánsson hefur óskað eftir lausn frá setu í atvinnu- og menningarnefnd. Hákon Guðröðarson er tilnefndur sem aðalmaður í hans stað. Anton Helgason er tilnefndur sem varamaður Hákonar í atvinnu- og menningarnefnd.
Þórhallur Árnason hefur ósakað eftir lausn frá nefndarsetu í eigna- skipulags- og umhverfisnefnd. Björgvin Erlendsson er tilnefndur sem varamaður í hans stað.

Fundargerð félagsmálanefndar nr. 44. frá 28. maí sl. lögð fram til kynningar.