Bæjarráð

Lagt fram minnisblað frá 7.júní. Samþykkt um byggingarnefnd lögð fram og vísað til fyrri umræðu í bæjarstjórn.

Drög að reglum um fullnaðarafgreiðslur embættismanna lagðar fram og vísað til staðfestingar bæjarstjórnar.

Málið tekið fyrir sem trúnaðarmál. Lagt fram kauptilboð í Egilsbraut 4, Neskaupstað. Um er að ræða eignarhluta Landsbankans, áður bílaverkstæði. Málið tekið til umræðu. Bæjarráð hafnar framkomnu tilboði og felur bæjarstjóra að gera nýtt tilboð í ljósi umræðna á fundinum.

Framlögð 806. fundargerð stjórnar Sambands íslenskra sveitarfélaga lögð fram til kynningar.

Framlagt fundarboð Atvinnuþróunarsjóðs Austurlands vegna aðalfundar sem haldinn verður 10. júní. Bæjarstjóri fór yfir drög að nýjum samþykktum fyrir atvinnuþróunarsjóð og þær tillögur sem stjórn sjóðsins hefur sett fram. Atvinnu- og menningarnefnd tók málið fyrir á fundi í síðustu viku og leggur til að bæjarstjóri fari með umboð Fjarðabyggðar á aðalfundinum.

Framlagt bréf Sambands íslenskra sveitarfélaga um nýsköpunarráðstefnu og tilnefningu til nýsköpunarverðlauna sem veitt verða í janúar 2014. Frestur til tilnefninga er til 1.nóvember. Vísað til bæjarritara til frekari vinnslu og til umfjöllunar í atvinnu- og menningarnefnd.

Ársreikningur Uppsala fyrir árið 2012 lagður fram til kynningar. Ársreikningi vísað til félagsmálastjóra og fjármálastjóra til skoðunar.

Ársreikningur Hulduhlíðar lagður fram til kynningar. Ársreikningi vísað til félagsmálastjóra og fjármálastjóra til skoðunar.

Fundargerð félagsmálanefndar nr. 44 frá 28.maí lögð fram til kynningar.

Fundargerð atvinnu- og menningarnefndar nr. 47 frá 6.júní lögð fram til kynningar.

Fundargerð eigna, skipulags- og umhverfisnefndar nr. 65 frá 3.júní lögð fram til kynningar.