Bæjarráð

Fram lagður til kynningar úrskurður úrskurðarnefndar umhverfis- og auðlindamála um kæru vegna ákvörðunar Fiskistofu, frá 15.mars 2012, um útgáfu rekstrarleyfis fyrir eldi á laxi í sjókvíum í Reyðarfirði til að framleiða allt að 6.000 tonn af laxi á ári.

Umræða um framlengingu á samning um miðlun sjónvarpsefnis og styrk til N4 sjónvarpsstöðvarinnar en samningur rennur út 15. júlí n.k.
Bæjarráð óskar eftir umsögn markaðs-og upplýsingafulltrúa um endurnýjun samnings.

Þennan dagskrárlið fundar sat fjármálastjóri.
Fram lagður til staðfestingar ársreikningur Eignarhaldsfélagsins Hrauns fyrir árið 2012.
Bæjarráð staðfestir fyrir sitt leyti ársreikning Eignarhaldsfélagsins Hrauns fyrir árið 2012 og undirritar hann.

Bréf forstjóra Símans frá 26.júní er varðar símasamband í Mjóafirði lagt fram til kynningar.
Bæjarráð ítrekar mikilvægi þess að tryggt sé að traust fjarskiptasamband sé við Mjóafjörð.

Þennan dagskrárlið fundar sat fjármálastjóri.
Trúnaðarmál. Lagt fram yfirlit yfir rekstur málaflokka Fjarðabyggðar janúar - maí 2013.

Bæjarstjórn samþykkti á fundi sínum 20. júní að vísa samþykkt um byggingarnefnd í Fjarðabyggð til síðari umræðu í bæjarráði, með umboði, í sumarleyfi bæjarstjórnar.
Bæjarráð samþykkir samþykkt um byggingarnefnd í Fjarðabyggð og felur framkvæmdasviði að auglýsa samþykktina og birta í Stjórnartíðindum.

Fundargerð 7.fundar stjórnar samtaka sjávarútvegssveitarfélaga frá 2.júlí lögð fram til kynningar.

Fundargerð stjórnarfundar nr. 807 frá 28.júní lögð fram til kynningar.

Þennan dagskrárlið fundar sat fjármálastjóri.
Fram lagður til staðfestingar ársreikningur Hitaveitu Fjarðabyggðar fyrir árið 2012.
Bæjarráð staðfestir fyrir sitt leyti ársreikning Hitaveitu Fjarðabyggðar fyrir árið 2012 og undirritar hann.

Þennan dagskrárlið fundar sat fjármálastjóri.
Fram lagður til staðfestingar ársreikningur Rafveitu Reyðarfjarðar fyrir árið 2012.
Bæjarráð staðfestir fyrir sitt leyti ársreikning Rafveitu Reyðarfjarðar fyrir árið 2012 og undirritar hann.

Minnisblað framkvæmdastjóra frá 4.júlí, um tillögur að breytingum á störfum á framkvæmdasviði, lagt fram til kynningar.

Þennan dagskrárlið fundar sat umhverfisstjóri.
Landbúnaðarnefnd tók fyrir minnisblað umhverfisstjóra frá 3.júlí sl. þar sem teknar eru saman niðurstöður af fundi með fulltrúum Matvælastofnunar hinn 19.júní sl. og tillögur um aðgerðir til þess að hefta ágang búfjár inn í þéttbýli, skógræktarlönd og friðuð svæði sem landbúnaðarnefnd samþykkti
Bæjarráð samþykkir tillögu landbúnaðarnefndar um að stemma stigu við ágangi sauðfjár inn á friðuð svæði í Fjarðabyggð. Framkvæmdasviði falið að framkvæma tillöguna.

Vísað til staðfestingar frá hafnarstjórn.
Bæjarráð samþykkir tilboð Tandrabergs ehf um framkvæmdir við umhverfi smábátahafnar á Fáskrúðsfirði - jarðvinna og yfirborðsfrágang.

Vísað til staðfestingar frá hafnarstjórn.
Bæjarráð samþykkir tilboð Björgunar ehf um framkvæmdir við dýpkun fiskihafnar á Norðfirði og fyllingu undir garðstæði.

Þennan lið dagskrár sat fjármálastjóri.
Bréf Guðnýjar Bjargar og Jóhönnu Ásdísar Þorvaldsdætra frá 30.júní þar sem eignarhluti þeirra í lóðinni Sunnuhvolstúni ofan Skólavegar á Fáskrúðsfirði er boðinn Fjarðabyggð til kaups.
Fjármálastjóra falið að ræða við bréfritara og leggja fyrir bæjarráð til staðfestingar samning.

Fundargerð barnaverndarnefndar nr. 35 frá 24.júní 2013 samþykkt í umboði bæjarstjórnar.

Fundargerð eigna- skipulags- og umhverfisnefndar nr. 67 frá 24.júní 2013 samþykkt í umboði bæjarstjórnar.

Fundargerð hafnarstjórnar nr.119 frá 5.júlí 2013 samþykkt í umboði bæjarstjórnar.