Bæjarráð

Eigna-, skipulags- og umhverfisnefnd hefur samþykkt, fyrir sitt leyti, tillögu að deiliskipulagi vinnubúða og athafnasvæði vegna Norðfjarðarganga í Norðfirði til auglýsingar. Tillagan er sett fram á uppdrætti með greinargerð og felur meðal annars í sér að vinnubúðir og athafnasvæði framkvæmdaaðila er afmarkað á tveimur stöðum. Athafnasvæði verður við gangamunna og vinnubúðir í landi Kirkjubóls. Um er að ræða tímabundna notkun svæðis. Að framkvæmdatíma liðnum verða vinnubúðir og athafnasvæði fjarlægt. Tillaga verður auglýst í samræmi við 41. gr. skipulagslaga. Endanlegri afgreiðslu er vísað til bæjarráðs í umboði bæjarstjórnar.
Bæjarráð samþykkir að tillaga að deiliskipulagi verði auglýst.

Erindi Sparifélagsins hf. frá 5.júlí lagt fram sem trúnaðarmál. Umræður um málið. Bæjarstjóra falið að ræða við Sparifélagið og leggja málið að því loknu aftur fyrir bæjarráð.

Fundargerð eigna-, skipulags- og umhverfisnefndar nr. 68 frá 19.júlí samþykkt í umboði bæjarstjórnar.