Bæjarráð

Fjármálastjóri sat dagskrárliðinn.
Yfirferð tekjuforsendna og drög að fjárhagsrömmum til umræðu.

Fræðslustjóri sat dagskrárliðinn.
Fram lagt minnisblað fræðslustjóra. Farið yfir málefni leikskóla í Fjarðabyggð. Leikskólar á Reyðarfirði og Eskifirði eru fullsetnir og ekki hefur náðst að ráða dagforeldra.
Fræðslustjóra falið að vinna að málinu áfram og auglýsa eftir dagforeldrum. Jafnframt er málinu vísað til kynningar í fræðslu- og frístundanefnd.

Eigna-, skipulags- og umhverfisnefnd leggur til að bæjarráð hafni umsókninni og bendir á skipulögð svæði til frístundabúskapar. Einnig leggur nefndin til að skoðaðir verði möguleikar á að skipuleggja sambærileg svæði við Stöðvarfjörð.
Bæjarráð frestar afstöðu til málsins og óskar upplýsinga um möguleg svæði undir frístundarbúskap við Stöðvarfjörð.

Lagt fram bréf Skipulagsstofnunar dagsett 19. júlí 2013 þar sem óskað er eftir umsögn Fjarðabyggðar á matsskyldu vegna lagningar jarðstrengja á Fáskrúðsfirði, Reyðarfirði og á Eskifirði.
Eigna-, skipulags- og umhverfisnefnd samþykkir tillögu skipulagsfulltrúa og vísar henni til afgreiðslu og umfjöllunar í bæjarráði.
Bæjarráð í umboði bæjarstjórnar samþykkir lagningu 66 kv jarðstrengs í Fáskrúðsfiðri og 132 kv jarðstrengs í Reyðarfirði og Eskifirði.

Lagt fram bréf Skipulagsstofnunar dagsett 19. júlí 2013 þar sem óskað er eftir umsögn Fjarðabyggðar á matsskyldu vegna lagningar jarðstrengs milli Eskifjarðar og Norðfjarðar.
Eigna-, skipulags- og umhverfisnefnd samþykkir tillögu skipulagsfulltrúa og vísar henni til afgreiðslu og umfjöllunar í bæjarráði.
Bæjarráð í umboði bæjarstjórnar samþykkir lagningu 66/132 kv jarðstrengs milli Eskifjarðar og Norðfjarðar

Eigna-, skipulags- og umhverfisnefnd samþykkir tillögu skipulagsfulltrúa um að mælt verði með stofnun lögbýlis á jörðinni og vísar endanlegri afgreiðslu til bæjarráðs.
Bæjarráð samþykkir stofnun lögbýlis á Hofi 2 í Norðfjarðarsveit.

Lögð fram tillaga, dagsett 9.ágúst 2013, um breytingu á reglum fyrir leiguíbúðir Fjarðabyggðar. Tillagan gerir ráð fyrir einföldun á umsóknarferli fyrir íbúðir Fjarðabyggðar.
ESU samþykkir tillöguna fyrir sitt leyti og vísar henni til umræðu og afgreiðslu í bæjarráði.
Bæjarráð samþykkir breyting á reglunum.

Umræða tekin um áherslur í samgöngumálum í fjórðungnum.

Líneik Anna Sævarsdóttir hefur sagt sig frá nefndarstörfum í eigna-, skipulags- og umhverfisnefnd. Aðalheiður Vilbergsdóttir tekur sæti hennar sem aðalmaður. Óskar Þór Guðmundsson verður varamaður í stað Aðalheiðar.
Hákon Guðröðarson hefur sagt sig frá nefndarstörfum í atvinnu- og menningarnefnd. Tilnefndur verður nýr aðalmaður á næsta bæjarráðsfundi.

Fram lögð fundargerð eigna-, skipulags, og umhverfisnefndar nr. 70 frá 15. ágúst til staðfestingar.
Fundargerð staðfest.