Bæjarráð

Fjármálastjóri var í símasambandi við fundinn og fór yfir stöðu mála varðandi endurfjármögnun.

Framlagt bréf frá Foreldrafélagi leikskólans Dalborgar og foreldrum eins árs barna á Eskifirði um dagvistarmál á Eskifirði. Málefnið var á dagskrá bæjarráðs á síðasta fundi og er í vinnslu. Vísað til fræðslustjóra og til umfjöllunar í fræðslu- og frístundanefnd.

Farið yfir þátttöku Fjarðabyggðar í Nora verkefni með Stavanger og fleiri aðilum. Bæjarstjóri gerði grein fyrir fundi sem hann ásamt bæjarritara sátu með Harald Finnvik vegna verkefnisins. Bæjarráð samþykkir þátttöku í verkefninu. Vísað til hafnarstjórnar til umræðu.

Samkvæmt samþykkt síðasta aðalfundar SSA þarf að tilnefna í tvær nefndir tvo fulltrúa; karl og konu. Um er að ræða samgöngunefnd og samstarfsnefnd sveitarfélaganna. Tilnefna þarf fyrir 5. september en kosið er í nefndina á aðalfundi SSA. Bæjarráð frestar tilnefningu í nefndir og mun skoða nánar starfsvettvang og hlutverk nefnda fram að næsta fundi.

Skipun fulltrúa Framsóknarflokks í atvinnu- og menningarnefnd sbr. síðustu fundargerð bæjarráðs. Hákon Guðröðarson hefur sagt sig frá nefndarstörfum í atvinnu- og menningarnefnd. Anton Helgason er tilnefndur sem aðalmaður í atvinnu- og menningarnefnd og Jón Björn Hákonarson sem varamaður.

Framlagðar fundargerðir stjórnarfunda Starfa frá 15.febrúar, 22. apríl, 13. maí og 13. ágúst s.l.
Bæjarritari gerði grein fyrir stöðu Starfa en verið er að stilla upp ársreikningi og gera áætlanir fyrir starfsemina.

Framlögð 3.fundargerð samgöngunefndar SSA frá 20.ágúst sl.

Fundargerð stjórnar Atvinnuþróunarsjóðs Austurlands frá 20.ágúst lögð fram.

Eydís Ásbjörnsdóttir segir sig frá nefndarsetu í fræðslu og frístundarnefnd og við sæti hennar tekur Þorvarður Sigurbjörnsson. Við sæti Þorvarðar sem varamaður í nefndinn tekur Guðrún Veiga Guðmundsdóttir.

Anna Hlíf Árnadóttir hefur sagt sig frá nefndarsetu í félagsmálanefnd sem aðalmaður og við sæti hennar tekur Hjördís Helga Seljan Þóroddsdóttir.