Bæjarráð

Þennan dagskrárlið fundar sat fjármálastjóri.
Framhaldið umræðu um fjárhagsáætlun 2014.
Bæjarráð felur fjármálastjóra og bæjarstjóra að vinna áfram að fjárhagsáætlun 2014 og meta hagræðingarleiðir í samráði við bæjarráð.

Framlagt bréf Ásmundar Ásmundssonar vegna starfsleyfis Gámaþjónustu Austurlands að Hafnargötu 6 á Reyðarfirði. Umræða um málið. Umsókn um stækkun starfsleyfis er í vinnslu hjá Heilbrigðiseftirliti Austurlands og var tekið fyrir á fundi eigna-, skipulag- og umhverfisnefndar 12. september s.l. þar sem nefndin taldi rétt að starfsleyfið yrði auglýst.

Þennan lið dagskrár sat fjármálastjóri.
Framlagt til kynningar bréf frá Eftirlitsnefnd með fjármálum sveitarfélaga um fjármál sveitarfélaga almennt.

Framlögð fundargerð stjórnar Sambands íslenskra sveitarfélaga nr. 809 frá 25. október 2013

Framlagt bréf innanríkisráðherra þar sem hún þakkar móttökur sem hún fékk á heimsókn sinni til Austurlands.

Framlagt bréf Estherar Aspar Gunnarsdóttur þar sem hún óskar eftir leyfi frá störfum sem bæjarfulltrúi og nefndarmaður í atvinnu- og menningarnefnd vegna fæðingarorlofs frá 4. nóvember 2013 til 1. apríl 2014.
Stefán Már Guðmundsson tekur sæti hennar sem aðalmaður í bæjarstjórn og Ásbjörn Þorsteinsson sem aðalmaður í atvinnu- og menningarnefnd.