Bæjarráð

Fram lagður viðauki nr.8 við fjárhagsáætlun 2013 vegna símenntunar, námsstyrkja, veikindapotts og liðsstyrksverkefnis.
Bæjarráð samþykkir viðaukann fyrir sitt leyti og vísar afgreiðslu hans til bæjarstjórnar.

Fram lagðar til staðfestingar breyttar reglur um afskriftarnefnd viðskiptakrafna til afgreiðslu bæjarráðs og staðfestingar bæjarstjórnar.
Bæjarráð samþykkir reglurnar fyrir sitt leyti og vísar staðfestingu þeirra til bæjarstjórnar.

Fram lagðar endurskoðaðar reglur um styrki vegna fasteignaskatts m.t.t. endurgerðar húsa til afgreiðslu bæjarráðs og staðfestingar bæjarstjórnar.
Bæjarráð leggur til afmarkaðar breytingar á drögunum varðandi afsláttarhlutfall og tímalengd.
Bæjarráð samþykkir reglurnar með áorðnum breytingum fyrir sitt leyti og vísar staðfestingu þeirra til bæjarstjórnar.

Núverandi leiðbeiningar/fyrirmæli um greiðslu ferðakostnaðar eru hér settar fram í einni reglu til afgreiðslu bæjarráðs og staðfestingar bæjarstjórnar.
Bæjarráð leggur til afmarkaðar breytingar á drögunum.
Bæjarráð samþykkir reglurnar fyrir sitt leyti og vísar staðfestingu þeirra til bæjarstjórnar.

Fram lagðar reglur í upplýsingatæknimálum fyrir Fjarðabyggð til afgreiðslu bæjarráðs og staðfestingar bæjarstjórnar.
a) Reglur um tölvupóst og netnotkun
b) Regla um almenna tölvunotkun starfsmanna upplýsingatæknikerfa.
Bæjarráð samþykkir reglurnar fyrir sitt leyti og vísar staðfestingu þeirra til bæjarstjórnar.

Fram lögð til kynningar kæra frá Ásmundi Ásmundssyni, Ragnari Sigurðssyni og Samúel K Sigurðssyni til úrskurðarnefndar umhverfis- og auðlindanefndar vegna starfsleyfis Gámaþjónustu Austurlands að Hafnargötu 6 á Reyðarfirði.

Fram lagt minnisblað um stöðu fjarskiptamála Mjófirðinga en endurteknar truflanir hafa verið á síma- og gagnasambandi við Mjóafjörð. Ísingarvandamál undanfarið hafa gert það að verkum að allt fjarskiptasamband við Mjóafjörð liggur niðri.
Bæjarráð telur óásættanlegt að fjarskiptasamband sé ekki tryggt við Mjóafjörð og felur bæjarstjóra að leita lausna með Mílu hf og Símanum hf þannig að fjarskiptasamband við byggðina sé öruggt samanber bréf forstjóra Símans síðasta sumar.

Fram lagt til kynningar minnisblað bæjarritara vegna stöðu NAPLN verkefnisins.
Vísað til hafnarstjórnar og bæjarritara falið að fylgja verkefninu eftir.

Fram lögð til kynningar fundargerð síðasta stjórnarfundar Lífeyrissjóðs Neskaupstaðar en stjórn sjóðsins hefur lokið sínum störfum og sjóðurinn sameinaðist Lífeyrissjóði sveitarfélaga 1. júlí s.l. Bæjarritari gerir grein fyrir lokaniðurstöðu sameiningar sjóðanna. Gögn um verðmat lögð fram á fundi sem trúnaðarmál.
Hlutdeild Fjarðabyggðar í sameiginlegu eignasafni B-deildar LSS 12,390%
Bæjarráð samþykkir hlutdeildina í safninu fyrir sitt leyti.

Fram lagt bréf frá Lífeyrissjóði starfsmanna sveitarfélaga þar sem lagt er til að endurgreiðsluhlutfall vegna eftirlaunaskuldbindinga sveitarfélagsins vegna b-deildar LSS verði óbreytt árið 2014 eða 66%.
Bæjarráð samþykkir tillögu um endurgreiðsluhlutfall fyrir árið 2014, 66%.

Fram lagt bréf Forsætisráðuneytisins þar sem tilkynnt er um styrkveitingu til endurgerðar Lúðvíkshússins á Norðfirði að fjárhæð 10 milljónir kr.
Bæjarstjóra falið að fylgja málinu eftir.
Bæjarráð Fjarðabyggðar þakkar Forsætisráðuneytinu fyrir veittan stuðning við mikilvægt verkefni.

Fram lagt bréf Forsætisráðuneytisins þar sem tilkynnt er um styrkveitingu til endurgerðar bragga við Stríðsárasafnið á Reyðarfirði að fjárhæð 6 milljónir kr.
Vísað til atvinnu- og menningarnefndar.
Bæjarráð Fjarðabyggðar þakkar Forsætisráðuneytinu fyrir veittan stuðning við mikilvægt verkefni.

Fram lagt bréf Forsætisráðuneytisins þar sem tilkynnt er um styrkveitingu til endurgerðar fjárréttar í Norðfirði að fjárhæð 2 milljónir kr.
Vísað til kynningar í eigna-, skipulags- og umhverfisnefndar og til úrvinnslu framkvæmdasviðs.
Bæjarráð Fjarðabyggðar þakkar Forsætisráðuneytinu fyrir veittan stuðning við mikilvægt verkefni.

Fram lagt yfirlit yfir íbúaþróun í Fjarðabyggð.
Bæjarráð fagnar þeirri þróun að íbúum sveitarfélagsins hefur fjölgað talsvert á árinu og eru um 4.670 í lok ársins.
Vísað til atvinnu- og menningarnefndar.

Fram lagður ársreikningur Veturhúsa ehf fyrir árið 2012 ásamt minnisblaði um stöðu félagsins.

Fram lögð ársskýrsla Skólaskrifstofu Austurlands fyrir árið 2012 ásamt ársreikningi og skýrslu stjórnarformanns.
Vísað til fræðslu- og frístundanefndar.

Fram lagður til kynningar ársreikningur Sjóminjasafns Austurlands fyrir árið 2012 ásamt fundargerð aðalfundar.
Vísað til atvinnu- og menningarnefndar.

Fram lögð til kynningar 3. fundargerð stjórnar Sambands sveitarfélaga á Austurlandi 10. desember s.l.

Fundargerð stjórnar Sambands íslenskra sveitarfélaga nr. 811 frá 13. desember s.l. lögð fram til kynningar.