Bæjarráð

Þennan lið fundarins sátu mannvirkjastjóri og umhverfisfulltrúi. Lagt fram endurbætt minnisblað um almenningssamgöngur. Bæjarráð vísar máli til áframhaldandi vinnslu á framkvæmdasviði og að það verði tekið upp að nýju við gerð fjárhagsáætlunar í haust. Jafnframt óskar bæjarráð eftir að framkvæmdasvið taki saman að nýju upplýsingar um aksturinn í ágúst nk.

Fulltrúi Fjarðalistans vill koma á framfæri að hún telur að efni minnisblaðs styrki það sjónarmið Fjarðalistans að Fjarðabyggð verði eitt gjaldsvæði fyrir notendur almenningssamgangna.

Framlagt minnisblað mannvirkjastjóra vegna afnota starfsmanna af almenningssamgöngum ásamt minnisblaði um kostnað vegna ferða. Bæjarráð samþykkir að sveitarfélagið muni greiða fyrir afnot starfsmanna Fjarðabyggðar með skipulögðum samgöngum SvAust, vegna ferða til og frá vinnu, frá 1.september nk., til að jafna ferðakostnað starfsmanna óháð búsetu. Bæjarritara falin nánari útfærsla málsins og leggja fram reglur. Málinu jafnframt vísað til fjárhagsáætlunargerðar 2015. Horft verði til áframhaldandi vinnu við almenningssamgöngur við útfærslu reglna.

Framlagt bréf Austfjarðaleiðar um akstur fyrirtækisins í samgöngukerfi skipulagðra samgangna milli Norðfjarðar og Egilsstaða og Breiðdalsvíkur og Egilsstaða. Erindi vísað til framkvæmdasviðs og því falið að taka saman greinargerð vegna erindis Austfjarðaleiðar.

Farið yfir minnisblað um breytingar á samþykkktum SSA en málið var einnig á dagskrá síðasta fundar. Vísað til umfjöllunar í bæjarstjórn.

Minnisblað forstöðumanns stjórnsýslu um FAB-LAB (Fabrication Laboratory) en Verkmenntaskóli Austurlands vinnur að því í samstarfi við Nýsköpunarmiðstöð Austurlands að setja upp FAB LAB smiðju í húsnæði skólans í Neskaupstað.
Bæjarráð samþykkir að leggja til 1,5 milljón til verkefnisins sem takist af liðnum óráðstafað 21-69.

Þennan lið fundarins sat fjármálastjóri. Til umfjöllunar bréf frá Tandraberg ehf. um innlausn lóðarinnar Fossgötu 3 á Eskifirði. Framlagt minnisblað fjármálastjóra. Vísað til skipulags- og byggingarfulltrúa með beiðni um umsögn.

Bæjarráð samþykkir tillögu í minnisblaði íþrótta- og tómstundafulltrúa þar sem lagt er til að nemum framhaldskóla verði veittur endurgjaldslaus aðgangur að sundlaugum og líkamræktarstöðvum í Fjarðabyggð á meðan á verkfalli framhaldsskólakennara stendur.

Ferðaþjónustun á Mjóeyri ehf. hefur sótt um 623 m2 stækkun á lóðinni að Strandgötu 122 á Eskifirði þar sem fyrirhugað er að byggja þrjú sumarhús.
Fallið er frá fyrri umsókn um stækkun lóðarinnar og byggingu sex sumarhúsa.
Eigna- skipulags- og umhverfisnefnd hefur samþykkt umsóknina fyrir sitt leyti. Bæjarráð samþykkir breytta umsókn.

Framlagt boð frá vinabæ Fjarðabyggðar Jyväskylä í Finnlandi þar sem vinabæjum er boðið að vera viðstöddum viðburði tengdum skipulagsmálum. Bæjarritara falin afgreiðsla málsins.

Lagt fram til kynningar bréf framkvæmdastjóra Hulduhlíðar frá 19.mars, vegna lóðar nýs hjúkrunarheimilis á Eskifirði og frágangs við Bleiksá. Vísað til afgreiðslu mannvirkjastjóra og til kynningar í eigna- skipulags- og umhverfisnefnd.

Rætt um rekstur félagsheimilanna í Fjarðabyggð. Vísað til framkvæmdasviðs.

Framlagt til kynningar bréf frá Þokusetri um uppbyggingu þokustíga í sveitarfélaginu. Vísað til afgreiðslu eigna- skipulags- og umhverfisnefndar og til kynningar í atvinnu- og menningarnefnd.

Framlagt bréf Alberts Eiríkssonar um nýtt nafn á Hafnargötu á Fáskrúðsfirði. Vísað til afgreiðslu eigna- skipulags- og umhverfisnefndar og til kynningar í atvinnu- og menningarnefnd.

Framlagður samningur við Minjastofnun um styrkveitingu og framkvæmdir vegna fjárréttar í Norðfirði. Bæjarráð samþykkir samning og felur bæjarstjóra undiritun hans. Framkvæmdasviði falið eftirlit með framkvæmdunum.

Framlagður samningur við Minjastofnun um styrkveitingu og framkvæmdir vegna viðgerðar á Lúðvíkshúsi. Bæjarráð samþykkir samning og felur bæjarstjóra undiritun hans. Framkvæmdasviði falið eftirlit með framkvæmdunum.

Framlagður samningur við Minjastofnun um styrkveitingu og framkvæmdir vegna hennar vegna viðgerðar á bröggum við Íslenska Stríðsárasafnið. Bæjarráð samþykkir samning og felur bæjarstjóra undiritun hans. Forstöðumanni Safnastofnunar falið eftirlit með framkvæmdunum.

Framlagt fundarboð Sparisjóðs Norðfjarðar vegna aðalfundar sem haldinn verður þriðjudaginn 8. apríl nk. kl. 16:00 í Nesskóla.
Bæjarráð felur Jens Garðari Helgasyni að fara með umboð Fjarðabyggðar á aðalfundinum.

Aðalfundur Loðnuvinnslunnar hf. verður haldinn í Félagsheimilinu Skrúði Fáskrúðsfirði föstudaginn 11. apríl 2014 kl. 18.30. Bæjarráð felur Jens Garðari Helgasyni að fara með umboð Fjarðabyggðar á aðalfundinum.

Framlögð til kynningar ársskýrsla Heilbrigðiseftirlits Austurlands fyrir árið 2013.

Framlögð til kynningar fundargerð stjórnar Sambands íslenskra sveitarfélaga nr. 814 frá 21. mars sl.

Fundargerð eigna-, skipulags- og umhverfisnefndar frá 24. mars lögð fram til kynningar.

Fundargerð hafnarstjórnar frá 25. mars lögð fram til kynningar.

Fundargerð atvinnu- og menningarnefndar frá 26. mars lögð fram til kynningar.