387. fundur

11. júní 2014 kl. 08:30 - 00:00

í fundarsal á bæjarskrifstofunum að Hafnargötu 2 á Reyðarfirði

Nefndarmenn

Jens Garðar Helgason Formaður

Jón Björn Hákonarson Aðalmaður

Eydís Ásbjörnsdóttir Aðalmaður

Gunnlaugur Sverrisson Embættismaður

Páll Björgvin Guðmundsson Bæjarstjóri

Starfsmenn

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Merking á Hótel Egilsbúð

Málsnúmer 1405074

Álit lögmanns vegna kröfu Trölla ehf. frá 13.maí sl. um notkun á nafninu Egilsbúð. Bæjarráð felur bæjarstjóra að svara bréfi Trölla ehf. og rita Einkaleyfastofu bréf vegna málsins.

2.

Þokusetur

Málsnúmer 1311168

Umsókn Þokuseturs í Vaxtarsamning Austurlands lögð fram til kynningar, en Fjarðabyggð er samtarfsaðili í umsókn. Bæjarráð samþykkir að vera samstarfsaðili að verkefninu.

3.

Útleiga félagsheimilanna í Fjarðabyggð

Málsnúmer 1403137

Samningur um útleigu Félagslundar lagður fram til samþykktar. Bæjarráð samþykkir samninginn. Jafnframt felur bæjarráð forstöðumanni stjórnsýslu, framvegis, að ganga frá samningum um félagsheimilin, samningar sem eru til skemmri tíma en eins árs, í samráði við framkvæmdasvið.

4.

Tilkynning um verðbreytingar. Hækkun á heildsöluverðskrá Landsvirkjunar

Málsnúmer 1405143

Tilkynning Landsvirkjunar um 2,3% hækkun á heilsölugjaldskrá fyrirtækisins. Vísað til framkvæmdasviðs til skoðunar.

5.

Ungt fólk í Fjarðabyggð - 8.-10.bekkur 2014

Málsnúmer 1405126

Niðurstöður í rannsókn á högum og líðan ungmenna í 8. - 10. bekk í grunnskólum Fjarðabyggðar. Lagt fram til kynningar.

6.

Vallarsamningar - Knattspyrnufélag Fjarðabyggðar

Málsnúmer 1404018

Framlögð drög að auglýsingasamningi við Knattspyrnufélag Fjarðabyggðar. Bæjarráð samþykkir drögin og felur bæjarstjóra að undirrita samninginn. Tekið af liðnum óráðstafað 21-69.

7.

Stjórnarfundir StarfA 2014

Málsnúmer 1403069

Fundargerð ársfundar StarfA frá 29.apríl sl. lögð fram til kynningar.

8.

Til umsagnar - umdæmamörk sýslumanna og lögreglustjóra

Málsnúmer 1406036

Tölvupóstur Sambandsins er varðar umdæmamörk sýslumanna og lögreglustjóra en frestur er veittur til 1.júlí til að gera athugasemdir. Bæjarráð veitir jákvæða umsögn en felur bæjarstjóra að vera í sambandi við sýslumann vegna málsins.

9.

Kosning fulltrúa á landsþing Sambands íslenskra sveitarfélaga 2014-2018

Málsnúmer 1406044

Bréf Sambandsins frá 6.júní er varðar kosningu fulltrúa á landsþing Sambands íslenskra sveitarfélaga 2014-2018. Vísað til fyrsta fundar nýrrar bæjarstjórnar.

10.

740 Sæbakki 25 - byggingarlóð

Málsnúmer 1406040

Lögð fram lóðarumsókn Sigurjóns Kristinssonar f.h. Nýpukolls ehf. dagett 6. júní 2014 þar sem sótt er um lóðina Sæbakka 25 undir byggingu 492 m2 raðhúss.

Eigna-, skipulags- og umhverfisnefnd hefur samþykkt úthlutun lóðarinnar fyrir sitt leyti.
Bæjarráð samþykkir að úthluta lóðinni.

11.

Málefni tækjamiðstöðvar 2014

Málsnúmer 1402154

Minnisblað mannvirkjastjóra vegna tækjakaupa í tækjamiðstöð. Um er að ræða tækjakaup á árinu 2014 fyrir kr. 26.500.000 en gert er ráð fyrir allri fjárhæðinni á fjárhagsáætlun ársins. Bæjarráð samþykkir tækjakaup sbr. tillögu.

12.

Fundargerðir barnaverndarnefndar 2014

Málsnúmer 1402090

Fundargerð barnaverndarnefndar nr. 43 frá 27. maí sl. lögð fram til kynningar.

13.

Hafnarstjórn - 132

Málsnúmer 1405018F

Fundargerð hafnarstjórnar nr. 132 frá 2.júní 2014 lögð fram til kynningar.

14.

Eigna- skipulags- og umhverfisnefnd - 95

Málsnúmer 1406002F

Fundargerð eigna- skipulags- og umhverfisnefndar nr. 95 frá 10.júní 2014 lögð fram til kynningar.