Bæjarráð

Díana Mjöll Sveinsdóttir frá Tanna Travel sat þennan lið fundarins. Rætt um opnunartíma safna og sundlauga. Að sögn Díönu hefur móttaka skemmtiferðaskipa gengið vel, heilt yfir í sumar, en vissulega ýmislegt sem má bæta. Díana kallar m.a. eftir stefnu Fjarðabyggðar í tengslum við lengingu ferðamannatímabilsins og leggur til að sumarið 2014 verði greint og hvernig til tókst. Rætt um markaðssetningu Fjarðabyggðar og hlutverk sveitarfélagsins í þjónustu við ferðamannaiðnaðinn.

Bæjarritara falið að fara yfir málið og svara bréfritara.

Framlögð drög að reglum um afnot starfsmanna Fjarðabyggðar að skipulögðum samgöngum, ásamt greinargerð. Bæjarráð samþykkir reglur fyrir sitt leyti, en felur bæjarstjóra að fara yfir útfærslu þeirra áður en þær verði lagðar fram til endanlegrar samþykktar í bæjarstjórn.

Aðalfundur SSA verður haldinn á Vopnafirði dagana 19. og 20. september nk. Stjórn SSA vinnur að undirbúningi fundarins. Af því tilefni er óskað eftir ábendingum/tillögum að efni/ályktunum sem lagðar verða fyrir nefndir fundarins til afgreiðslu. Tillögur/ályktanir þurfa að berast fyrir 30. ágúst nk.

Lagt fram minnisblað mannvirkjastjóra, dagsett 15. júlí, um uppsetningu götuljósa við skólamannvirki. Kostnaður við hvert götuljós er um 6 milljónir. Vísað til fjárhagsáætlunargerðar 2015.

Framlagður viðauki 7, kr. 119.498.594.- við fjárhagsáætlun Fjarðabyggðar og stofnana, vegna metinna áhrifa kjarasamninga og annarra launabreytinga á fjárhagsáætlun ársins 2014. Bæjarráð samþykkir viðauka 7 og vísar honum til endanlegrar samþykktar í bæjarstjórn.

Framlögð beiðni Tandrabergs frá 3.júlí er varðar afslátt af gatnagerðargjöldum vegna lóðar í Neskaupstað. Minnisblað bæjarritara og mannvirkjastjóra lagt fram. Ekki eru fordæmi fyrir veitingu afsláttar af gatnagerðargjöldum og bæjarráð hafnar því beiðni þar um. Bæjarráð samþykkir tillögu í minnisblaði og felur bæjarritara að svara bréfritara.

Staða og framtíðarþjónusta löggæslu og sýslumanns í Fjarðabyggð. Bæjarráð óskar eftir að Sýslumaðurinn á Eskifirði, og verðandi lögreglustjóri, komi á fund bæjarráðs.

Umræða um borkjarna sem tekinn var í Áreyjum 1978.

Lögð fram byggingarleyfis- og lóðarumsókn Guðmundar Elíassonar f.h framkvæmdasviðs Fjarðabyggðar, dagsett 22. júlí 2014, vegna byggingar 1.424,3 m2 og 4.906,3 m3 leikskóla við Nesgötu 14 á Norðfirði.
Eigna-, skipulags- og umhverfisnefnd hefur samþykkt lóðarúthlutunina fyrir sitt leyti. Bæjarráð samþykkir úthlutun lóðarinnar. Bæjarráð áætlar að tilboðsgögn verði tilbúin í september.

Fundargerð félagsmálanefndar, nr. 56 frá 11. ágúst 2014, lögð fram til kynningar.

Fundargerð eigna- skipulags- og umhverfisnefndar, nr. 98 frá 11.ágúst 2014, lögð fram til kynningar.

Fundargerð fræðslunefndar, nr. 2 frá 12.ágúst 2014, lögð fram til kynningar.