Bæjarráð

Umræða um fjárhagsáætlunargerð 2015.

Formaður hafnarstjórnar, sem var í símasambandi, framkvæmdastjóri hafnanna og fjármálastjóri, sátu þennan lið fundarins. Farið yfir forsendur og áherslur í fjárhagsáætlun ársins 2015 vegna málefna hafnarsjóðs.

Formaður félagsmálanefndar, félagsmálastjóri og fjármálastjóri, sátu þennan lið fundarins. Farið yfir forsendur og áherslur í fjárhagsáætlun ársins 2015 vegna félagsmála.

Mannvirkjastjóri og fjármálastjóri, sátu þennan lið fundarins. Farið yfir forsendur og áherslur í fjárhagsáætlun ársins 2015 vegna veitustofnana og viðhalds þeirra á árinu 2015.

Framkvæmdstjóri hafna og fjármálastjóri sátu þennan lið fundarins. Umsóknir um byggðakvóta lagðar fram til staðfestingar. Bæjarráð staðfestir umsóknir, felur bæjarstjóra að undirrita þær og senda þær til ráðuneytis.

Lögð fram til kynningar drög að ályktun hafnasambandsþings í Vestmannaeyjum og hafnasambands Íslands er varðar breytingu á hafnalögum.

Mannvirkjastjóri og fjármálastjóri sátu þennan lið fundarins. Lagðir fram minnispunktar frá mannvirkjastjóra, dagsettir 11. september 2014, varðandi stöðu á byggingu leikskóla í Neskaupstað. Auk þess eru lagðar fram byggingarnefndarteikningar af 8 deilda leikskóla í Neskaupstað. Eigna- skipulags- og umhverfisnefnd hefur samþykkt, fyrir sitt leyti, fyrirkomulag útboðs og teikningar og vísaði afgreiðslu til bæjarráðs. Kostnaðaráætlun lögð fram. Útboðsskilmálar gera ráð fyrir að leikskólinn verði tilbúinn til afhendingar 1.ágúst 2016. Bæjarráð samþykkir fyrirkomulag útboðs og felur mannvirkjastjóra að auglýsa það.

Viðauki nr. 8 við fjárhagsáætlun ársins 2014 er varðar viðhaldsframkvæmdir við Skíðamiðstöðina í Oddskarði. Viðauki lagður fram til kynningar og honum vísað til samþykktar í bæjarstjórn.

Fyrirkomulag Eistnaflugs hefur í tvígang verið kynnt í menningar- og safnanefnd og hefur nefndin engar athugasemdir gert við hugmyndir um fyrirkomulagið 2015. Bæjarráð samþykkir að Eistnaflug 2015 verði haldið í Íþróttahúsinu í Neskaupstað. Bæjarstjóra falið að ganga frá samningi við forsvarsmenn Eistnaflugs um fyrirkomulag hátíðarinnar.

Námskeið Sambands íslenskra sveitarfélaga fyrir sveitarstjórnarmenn, fer fram á Egilsstöðum föstudaginn 31.október. Forstöðumanni stjórnsýslu falið að koma upplýsingum til bæjarfulltrúa og nefndarmanna.

Ársfundur Jöfnunarsjóðs sveitarfélaga verður haldinn 8.október á Hilton Reykjavík Nordica og hefst kl. 16:00. Jón Björn Hákonarson verður fulltrúi Fjarðabyggðar á fundinum.

Ársfundur fer fram á Hilton Reykjavík Nordica í Reykjavík 10.október kl. 13:00. Páll Björgvin Guðmundsson verður fulltrúi Fjarðabyggðar á fundinum.

Aðalfundur Samtaka sjávarútvegssveitarfélaga verður haldinn 8.október kl. 13:00 á Hilton Reykjavík Nordica. Páll Björgvin Guðmundsson verður fulltrúi Fjarðabyggðar á fundinum.

Lögð fram til kynningar drög að umsögn Sambands íslenskra sveitarfélaga til umhverfis- og auðlindaráðuneytisins um reglugerð um starfsemi slökkviliða. Vísað til eigna- skipulags- og umhverfisnefndar.

Tilkynning Íslandspósts um fækkun dreifingardaga í dreifbýli í nágrenni Neskaupstaðar, Eskifjarðar, Reyðarfjarðar og Fáskrúðsfjarðar úr fimm dögum í þrjá. Óskað er eftir umsögn til Póst- og fjarskiptastofnunar fyrir 3.október nk. Páll Björgvin Guðmundsson mun sækja kynningarfund vegna málsins.

Fundargerð félagsmálanefndar, nr. 58 frá 22. september 2014, lögð fram til kynningar.

Fundargerð eigna- skipulags- og umhverfisnefndar, nr. 101 frá 22. september 2014, lögð fram til kynningar.

Fundargerð fræðslunefndar, nr. 5 frá 23. september 2014, lögð fram til kynningar.

Fundargerð menningar- og safnanefndar, nr. 4 frá 25. september 2014, lögð fram til kynningar.

Minnisblað forstöðumanns Safnastofunar lagt fram en þar er lagt til að hækkanir á gjaldskrá verði í tveimur þrepum, fyrri hækkun verði á árinu 2015 og síðari hækkun á árinu 2016. Menningar- og safnanefnd hefur samþykkt tillögu í minnisblaði. Bæjarráð samþykkir breytingar á gjaldskrá skv. tillögu í minnisblaði.

Fundargerð íþrótta- og tómstundanefndar, nr. 4 frá 25. september 2014, lögð fram til kynningar.

Fundargerð hafnarstjórnar, nr. 137 frá 23. september 2014, lögð fram til kynningar.