Bæjarráð

Þennan lið dagskrár sat fjármálastjóri.
Lagt er til að bæjarráð heimili að framlengja í allt að eitt ár yfirdráttarheimild hjá Íslandsbanka á greiðslureikningi Fjarðabyggðar allt að 200 milljónir króna.
Bæjarráð samþykkir tillöguna fyrir sitt leyti og vísar henni til staðfestingar bæjarstjórnar.

Þennan lið dagskrár sat fjármálastjóri.
Framlögð tillaga fjármálastjóra að verklagsreglu um innheimtu reikninga og viðskiptakrafna Fjarðabyggðar. Verklagsreglan er meðal annars sett vegna ábendinga endurskoðenda Fjarðabyggðar.
Bæjarráð staðfestir verklagsregluna.

Þennan lið dagskrár sat fjármálastjóri.
Innanríkisráðuneytið óskar eftir umsögn Fjarðabyggðar um drög að nýrri reglugerð um bókhald, fjárhagsáætlanir og ársreikninga sveitarfélaga. Skilafrestur er til 14. janúar 2015.
Fjármálastjóra falið að vinna drög að umsögn og leggja fyrir bæjarráð.

Þennan lið dagskrár sat fjármálastjóri.
Umræða tekin um fjármál sveitarfélagsins, eftirfylgni, fjárhagsáætlun, uppgjör, samninga ofl.

Þennan lið dagskrár sat verkefnisstjóri atvinnumála.
Farið yfir stöðu verkefna er tengjast atvinnumálum í Fjarðabyggð.

Framlögð tillaga að endurskoðuðum samningi um Skólaskrifstofu Austurlands.
Bæjarráð óskar eftir umsögn fræðslunefndar og hún komi til umfjöllunar bæjarráðs að nýju.

Fram lögð fundargerð stýrihóps um framtíð upplýsingamiðstöðvar Austurlands á Egilsstöðum.
Bæjarráð er sammála niðurstöður stýrihópsins um að samið sé til eins árs um að Húsi handanna sé falin rekstur upplýsingamiðstöðvarinnar til eins árs.

Lagðir fram til kynningar samningar til kynningar við KPMG og Ingvar Sigurgeirsson vegna ráðgjafar.
Rætt um fyrirkomulag íbúafunda og tímasetningar á þeim.

Framlagt bréf Umhverfisstofnunar um kynningu á tillögu að starfsleyfi fyrir fiskimjölsverksmiðju Síldarvinnslunnar hf. í Neskaupstað.
Vísað til eigna-, skipulags- og umhverfisnefndar.

Framlögð umsókn Estherar Aspar Gunnarsdóttur um tímabundið leyfi frá störfum frá 1. janúar til 1. júlí 2015.
Einar Már Sigurðarson tekur sæti hennar í bæjarstjórn og önnur nefndaskipan vegna orlofs er óbreytt.
Bæjarráð samþykkir beiðni um tímabundið leyfi.