Bæjarráð

Fjallað um framkvæmdir vegna byggingar nýs leikskóla á Neseyri í Neskaupstað.
Lagt fram minnisblað framkvæmdasviðs vegna breytinga á verksamningi vegna framkvæmdanna.
Bæjarráð leggst ekki gegn breytingum sem tilgreindar eru í minnisblaðinu.
Vísað til eigna-, skipulags- og umhverfisnefndar.

Þennan lið dagskrár sat forstöðumaður stjórnsýslu.
Framlagður samningur um Eistnaflug til staðfestingar.
Bæjarráð samþykkir samninginn með áorðnum breytingum sbr. umræður á fundinum og felur bæjarstjóra undirritun hans.

Framlögð tillaga Lífeyrissjóðs starfsmanna að endurgreiðsluhlutfalli sveitarfélagsins vegna eftirlaunaskuldbindinga B-deildar lífeyrissjóðsins vegna Lífeyrissjóðs Neskaupstaðar. Lagt er til að endurgreiðsluhlutfall launagreiðenda haldist óbreytt og verði 66% á árinu 2015.

Tekin umræða um árangur funda sem haldnir voru í síðustu viku og framvindu verkefnisins.

Framlagt bréf Ásmundar Ásmundssonar vegna starfsemi Samskipa á lóðinni að Hafnargötu 5 á Reyðarfirði.
Vísað til bæjarstjóra til skoðunar.

Framlagður listi yfir eignir sem eigna-, skipulags- og umhverfisnefnd hefur samþykkt að stefnt verði að sölu á árinu 2015. Samkvæmt reglum um sölu íbúða þarf að staðfesta listann formlega af bæjarstjórn. Bæjarráð samþykkir listann fyrir sitt leyti og vísar honum til staðfestingar bæjarstjórnar.
Jafnframt áskilur bæjarráð að listinn verði endurskoðaður á árinu.

Fram lagt fundarboð XXIX. landsþings Sambands sveitarfélaga sem haldið verður föstudaginn 17. apríl n.k. í Salnum í Kópavogi.
Fulltrúar sveitarfélagsins eru aðalfulltrúar í bæjarráði og bæjarstjóri.

Lögð fram drög að samningi við áhugamenn um endurgerð á Lúðvíkshúsi í Neskaupstað.
Bæjaráð samþykkir samninginn og felur bæjarstjóra undirritun hans.

Framlagt bréf Allsherjar- og menntamálanefndar til umsagnar frumvarp til laga um örnefni
(heildarlög), 403. mál. Frumvarpið er nú lagt fram í þriðja sinn með lítils háttar breytingum frá upphaflegu frumvarpi.
Stuðst verður við umsagnir sem bárust á síðasta þingi en umsagnaraðilar geta eigi að síður sent nýja
umsögn um frumvarpið. Vísað til eigna-, skipulags- og umhverfisnefndar.

Framlagt fundarboð aðalfundar Sjóminjasafns Austurlands en boðað er til fundar föstudag 30. janúar n.k.
Bæjarráð felur Pétri Sörenssyni forstöðumanni safnastofnunar að fara með umboð sveitarfélagsins á aðalfundinum.

Framlagður til kynningar samningur við Hrönn Pétursdóttir vegna vinnu við fjölskyldustefnu.
Bæjarráð hafði áður falið bæjarstjóra undirritun hans og gerir ekki athugasemdir við efni samnings.

Framlagður tölvupóstur Sambands íslenskra sveitarfélaga um samstarf við sveitarfélög í Slóvakíu og styrkveitinga vegna þess.
Bæjarráð tekur vel i erindið að því gefnu að ekki falli til verulegur kostnaður á sveitarfélagið.
Bæjarritara og forseta bæjarstjórnar falið að fylgja málinu eftir.

Framlagt bréf frá Stefáni Má Guðmundssyni vegna aðstöðu til íþróttakennslu í íþróttahúsinu í Neskaupstað.
Vísað til framkvæmdasviðs til úrvinnslu.

Fjarðabyggð hefur verið boðin þátttaka í Sendinefnd Stavanger á ráðstefnu í Houston OTC ( Offshore, Technology Conference) 1-7. maí nk. Bæjarráð samþykkir að bæjarstjóri og forseti bæjarstjórnar sæki ráðstefnuna fyrir hönd sveitarfélagsins.

Framlögð fundargerð Náttúrustofu Austurlands frá 7. janúar 2015.

Framlagðar fundargerðir stjórnar Sambands sveitarfélaga á Austurlandi frá 26.ágúst, 19. og 23. september, 22. og 27. október og 15. desember 2014.

Framlögð fundargerð stjórnar Sambands sveitarfélaga á Austurlandi frá 21. janúar sl.

Fundargerð barnaverndarnefndar, nr. 51 frá 20. janúar sl., lögð fram til kynningar.