Bæjarráð

Þennan lið fundarins sat fjármálastjóri. Umræða um fjármál sveitarfélagsins, m.a. leigusamning um Molann og raforkukaup. Fjármálastjóra falið að vinna að hugmyndum að leiðum til betri nýtingar raforku í stofnunum Fjarðabyggðar. Bæjarstjóra falið að fara yfir efni samnings um húsnæði Molans við leigusala.

Lagður fram viðauki 1, frá fjármálastjóra, við fjárhagsáætlun ársins 2015 vegna yfirtöku á rekstri gömlu Hulduhlíðar og villu í málaflokki fatlaðs fólks. Handbært fé aðalsjóðs mun lækka um 24.096.591. Bæjarráð samþykkir viðauka 1 og vísar honum til staðfestingar í bæjarstjórn.

Umræða um gang verkefnisins Fjarðabyggð til framtíðar. Fyrir liggur að vegna nokkurra samverkandi þátta mun verkefnið dragast fram eftir mars mánuði.

Bréf Kristins V. Jóhannssonar er varðar fyrirhugað rif á Eyrargötu 7 í Neskaupstað - gömlu vélsmiðjunni. Bæjarráð þakkar bréfritara erindi hans og felur bæjarstjóra að ræða við hann.

Auka aðalfundur Skólaskrifstofu Austurlands verður haldinn 6.mars 2015 kl. 14:00 á Fáskrúðsfirði. Bæjarstjóri verður fulltrúi Fjarðabyggðar á fundinum.

Fyrstu drög að matsáætlun fyrir 8.000 tonna laxeldi Norðanlax í Mjóafirði, lögð fram til kynningar.

Bæjarráð er sammála um að Marinó Stefánsson verði fulltrúi Fjarðabyggðar í stýrihóp sjálfbærniverkefnisins.

Umsögn Sambandsins um frumvarp til laga um náttúrupassa, lögð fram til kynningar.

Fundargerð Samtaka sjávarútvegssveitarfélaga frá 11.febrúar, lögð fram til kynningar.

Samantekt helstu áherslna frá Samgönguþingi, lagðar fram til kynningar. Vísað til kynningar í eigna- skipulags- og umhverfisnefnd.

Ályktun aðalfundar Samorku, frá 20.febrúar, lögð fram til kynningar. Vísað til kynningar í eigna- skipulags- og umhverfisnefnd.

Borist hefur ósk um að Fjarðabyggð nýti ekki forkaupsrétt sinn að Mýrargötu 2 í Neskaupstað. Lagt er til að forkaupsrétturinn verði ekki nýttur þar sem breytingar á svæðinu eru ekki fyrirhugaðar í bráð. Vísað frá eigna- skipulags- og umhverfisnefnd. Bæjarráð er sammála nefndinni um að nýta ekki forkaupsréttinn að þessu sinni og vísar málinu til afgreiðslu bæjarstjórnar.

Minnisblað fræðslustjóra um umsóknir grunnskólanna í Yrkjusjóðinn. Áætlaður kostnaður er kr. 90.000 til 120.000. Bæjarráð hafnar beiðni Yrkjusjóðsins um styrk, en beinir þeim tilmælum til grunnskólanna á hverjum stað, að þeir kanni með samstarf við skógræktarfélögin í Fjarðabyggð með samstarf í huga.

Minnisblað íþrótta- og tómstundafulltrúa um útleigu á íþróttahúsinu í Neskaupstað undir þrjár skemmtanir á vegum Hljóðkerfaleigu Austurlands. Bæjarráð samþykkir beiðnir um notkun hússins undir þessar þrjár skemmtanir, en ítrekar mikilvægi þess að gengið verði frá formlegu samþykki áður en viðburðir eru auglýstir opinberlega.

Á fundi hafnarstjórnar þann 24. febrúar sl. var fjallað um tilboð sem bárust í þekju og lagnir togarabryggju á Norðfirði. Samþykkt var að ganga til samninga við lægstbjóðanda og liggja fyrir drög að samningi. Bæjarráð staðfestir samninginn og felur bæjarstjóra undirritun hans.

Þennan lið fundarins sátu mannvirkjastjóri og umhverfisfulltrúi. Lögð fram þrjú minnisblöð - merkt trúnaðarmál - er varða málið, ásamt drögum að svarbréfi til Austfjarðaleiðar og Tanna Travel. Bæjarstjóra falið að funda með forsvarsmönnum Austfjarðaleiðar og fara yfir málið. Vinnu við viðauka vegna málanna, vísað til fjármálastjóra.

Fundargerð eigna- skipulags- og umhverfisnefndar nr. 112, lögð fram til kynningar.

Fundargerð hafnarstjórnar nr. 146 lögð fram til kynningar.

Fundargerð menningar- og safnanefndar nr. 10 lögð fram til kynningar.