Bæjarráð

Trúnaðarmál
Þennan dagskrárlið fundar sat fjármálastjóri ásamt endurskoðendum KPMG.
Gert grein fyrir vinnu við ársreikning 2014 fyrir Fjarðabyggð og stofnanir.

Þennan lið dagskrár sat fjármálastjóri og í símasambandi við fundinn voru verkefnisstjórar frá KPMG.
Vegna ófyrirséðra ástæðna hefur vinna við lokaskýrslu verkefnisins frestast. Bæjarráð mun taka skýrslurnar til umfjöllunar á fundi sínum 13. apríl n.k. að öllu óbreyttu.

Framlagt bréf Guðjóns Haukssonar um málefni eldri borgara í Neskaupstað og aðstæður á Hjúkrunardeild Fjórðungssjúkrahússins í Neskaupstað.
Bæjarráð sýnir fullan skilning á efni bréfsins og leggur til við félagsmálanefnd að unnin verði greining í samstarfi við HSA á þörf fyrir hjúkrunarrými í Fjarðabyggð til framtíðar.
Vísað til félagsmálanefndar til umfjöllunar.

Framlagt bréf Launafls ehf. þar sem óskað er eftir veitingu stöðuleyfis fyrir gáma til eins árs, vegna sérstakra forsendna fyrirtækisins.
Bæjarráð felur bæjarstjóra að ræða við bréfritara og vinna í málinu milli funda.

Lagt fram minnisblað frá mannvirkjastjóra, dagsett 16. mars 2015, varðandi aðkomu sveitarfélagsins að framkvæmdum við kirkjugarð Reyðarfjarðar.
Eigna-, skipulags- og umhverfisnefnd hefur samþykkt, fyrir sitt leyti, tillögu mannvirkjastjóra um að gert verði upp við Kirkjugarð Reyðarfjarðar samkvæmt lögum nr. 36 frá 1993.
Bæjarráð samþykkir uppgjörið sbr. minnisblaðið.
Jafnframt er bæjarritara falið að rita sóknarnefndum bréf til að skýra framlög sveitarfélagsins til framkvæmda við kirkjugarða.

Framlögð beiðni frá landsliðsstúlkum Þróttar í Neskaupstað í blaki, um fjárstyrk til ferðar 18 ára landsliðs og A landsliðs til Ítalíu.
Vísað til íþrótta- og tómstundafulltrúa til afgreiðslu.

Framlagt bréf Gunnars B. Ólafssonar þar sem óskað er afnota af landi Fjarðabyggðar í botni Reyðarfjarðar frá landamerkjum Sléttu og Fjarðabyggðar og út á Bjargareyri við norðanverðan Reyðarfjörð.
Vísað til eigna-, skipulags- og umhverfisnefndar til umsagnar.

Umsókn um hlutfallsskiptingu álagningar, annarsvegar sem gistihús og hinsvegar sem íbúðarhús. Minnisblað skipulags- og byggingarfulltrúa.
Vísað til framkvæmdasviðs og fjármálastjóra til úrvinnslu.

Framlagt bréf Skipulagsstofnunar um samkeppni sem er
hluti áætlunar sem Norræni nýsköpunarsjóðurinn vinnur að á árabilinu 2015-2018 um sjálfbærni og
nýsköpun í skipulagi norrænna bæja og borga. Markmið samkeppninnar er að styðja nýsköpun og
þverfaglegar lausnir í norrænni skipulagsgerð og stuðla að sjálfbæru bæjarskipulagi. Sveitarfélögum og öðrum forsvarsaðilum svæða, svo sem fasteigna- og þróunarfélögum, gefst nú kostur á
að tilnefna svæði til þátttöku í norrænni skipulagssamkeppni, Nordic Built Cities Challenge.
Vísað til eigna-, skipulags- og umhverfisnefndar til að skoða hvort tilnefna eigi svæði til skipulagsgerðar sem fallið gæti að markmiðum.

Fram lagt aðalfundarboð Lánasjóðs sveitarfélaga ohf 2015 en fundurinn verður hahldinn 17. apríl 2014 kl 15:30 í Kópavogi.
Bæjarráð felur Páli Björgvin Guðmundssyni bæjarstjóra að fara með umboð Fjarðabyggðar á fundinum.

Fram lagt aðalfundarboð Sparisjóðs Norðfjarðar fyrir árið 2015 en fundurinn er haldinn þriðjudaginn 14. apríl 2015 kl 16:00 í Neskaupstað.
Bæjarráð felur Páli Björgvin Guðmundssyni bæjarstjóra að fara með umboð Fjarðabyggðar á fundinum.

Fundargerð barnaverndarnefndar, nr. 52 frá 24. mars 2015, lögð fram til kynningar.

Fundargerð eigna- skipulags- og umhverfisnefndar, nr. 114 frá 23. mars 2015, lögð fram til kynningar.

Fundargerð menningar- og safnanefndar, nr. 12 frá 26.mars 2015, lögð fram til kynningar.

Fundargerð eigna- skipulags- og umhverfisnefndar, nr. 115 frá 27. mars 2015, lögð fram til kynningar.