Bæjarráð

Bæjarráði er falið að vinna að undirbúningi fundar sbr. tillögu Fjarðalistans á fundi bæjarstjórnar nr. 179.
Í tilefni af 100 ára afmæli kosningaréttar íslenskra kvenna þann 19. júní 2015, leggja bæjarfulltrúar Fjarðalistans fram tillögu um að eingöngu kvenbæjarfulltrúar og kvenvarabæjarfulltrúar sitji einn bæjarstjórnarfund Fjarðabyggðar á næstunni."
Bæjarráð leggur til við bæjarstjórn að fundurinn fari fram þann 4. júní nk. á skipulögðum fundartíma bæjarstjórnar. Jafnframt mun forseti bæjarstjórnar leggja fram tillögu að embættismönnum fundarins og aukamálefnum sem tekin skulu á dagskrá hans.
Vísað til afgreiðslu bæjarstjórnar.

Framlögð drög að bréf til Landsnets, þar sem þrýst er á fyrirtækið að huga að lagningu nýs háspennustrengs í gegnum Norðfjarðargöng með nýjum tengingum við spennuvirki á Norðfirði og Eskifirði.
Bæjarráð samþykkir efni bréfsins og felur bæjarstjóra að undirrita það.

Framlagt erindi rekstraraðila Félagslundar, Heimis Arnfinnssonar fyrir hönd 730 ehf. Rekstraraðilar hafa í hyggju áframhaldandi rekstur og óska eftir samningi til lengri tíma. Fyrirtækið er opið fyrir ýmsum hugmyndum um nýtingu á húsinu með breytingum á opnunartíma frá því sem verið hefur fyrir ýmsar veislur, fundi, kynningar og áhugatengd störf af ýmsum toga.
Bæjarráð samþykkir að framlengja ekki samninginn til lengri tíma. Stefna bæjarráðs er að félagsheimili Fjarðabyggðar verði ekki leigð til lengri tíma.

Lögreglustjórinn á Austurlandi ásamt yfirlögregluþjóni og rannsóknarlögreglufulltrúa sátu þennan lið fundarins.
Farið yfir ýmiss mál s.s. skipulag löggæslumála, samning vegna heimilisofbeldis og almannavarnamál.

Starfsmenn tónlistarskóla í Fjarðabyggð sátu þennan lið fundarins. Rætt um tækifæri til að auka samkennslu í tónskólum Fjarðabyggðar og rekstrarmál.

Þennan lið dagskrár sat fjármálastjóri.
Lagt fram sem trúnaðarmál málaflokkayfirlit um rekstur Fjarðabyggðar janúar - mars 2015, yfirlit yfir tekjur og launakostnað fyrir janúar - apríl 2015.

Þennan lið dagskrár sat fjármálastjóri.
Framlögð greinargerð bæjarstjóra og fræðslustjóra um skipulag nýrrar Skólamiðstöðvar á Suðurfjörðum. Jafnframt framlagðar fundargerðir skólaráða Stöðvarfjarðarskóla og Grunnskóla Fáskrúðsfjarðar sem er sameiginlegur fundur með foreldraráði Leikskóla Kærabæjar.
Bæjarráð samþykkir að vísa tillögu um sameiginlega Skólamiðstöð Suðurfjarða til afgreiðslu bæjarstjórnar. Þá er fræðslustjóra falið að skoða nánar með stjórnendum tónlistarskóla hvort hægt sé að auka samkennslu á næsta skólaári.

Þennan lið dagskrár sat fjármálastjóri.
Framlögð tillaga fjármálastjóra um fyrirkomulag kaupa á innheimtuþjónustu Fjarðabyggðar og stofnana.
Bæjarráð samþykkir að gerð verði verðfyrirspurn vegna kaupa á innheimtuþjónustu þar sem tekið verði mið af heildarkostnaði við innheimtu hvort sem er af hálfu Fjarðabyggðar eða greiðanda sem fellur til á mismunandi innheimtustigum innheimtunnar.
Markmið með verðfyrirspurn er að samræma allt innheimtuferli Fjarðabyggðar til að auka skilvirkni, bæta árangur og takmarka kostnað.

Lagður fram til kynningar dómur Hæstaréttar í máli Fjarðabyggðar gegn Lánasjóði sveitarfélaga vegna meints ólöglegs gengistryggðs láns. Hæstiréttur sýknaði Lánasjóðinn af kröfu sveitarfélagsins.

Þennan lið dagskrár sátu verkefnastjóri atvinnumála og fjármálastjóri.
Verkefnastjóri atvinnumála lagði fram dagskrá málþings sem haldið verður 2. júní 2015 undir yfirskriftinni "Þjónustumiðstöð Norðurslóða - samfélag."

Kynnt skýrsla sem aðgengileg er á vef Sambands sveitarfélaga. Á vegum Sambands íslenskra sveitarfélaga hefur um nokkurt skeið verið starfandi vinnuhópur sem hafði það að markmiði að draga saman yfirlit um skilvirkt vinnuferli við undirbúning fjárhagsáætlana sveitarfélaga, ákvarðanatökuferlið sjálft og eftirlit með framkvæmd þess. Verkefnið hefur gengið undir vinnuheitinu "Best practice" eða "Gott fordæmi". Í starfi hópsins var bæði tekið mið af því vinnulagi sem góð reynsla var af hérlendis auk þess sem sótt var í reynslubanka sveitarfélaga í öðrum norrænum ríkjum um sama efni.

Fundargerð félagsmálanefndar nr. 70 frá 18. maí sl. lögð fram til kynningar.

Fundargerð fræðslunefndar frá 20. maí sl. lögð fram til kynningar.