Bæjarráð

Framlögð tillaga að reglum um gerð fjárhagsáætlunar Fjarðabyggðar fyrir árið 2016 og þriggja ára áætlun áranna 2017 - 2019.
Bæjarstjóri fór yfir breytingar sem gerðar voru á reglunum frá síðasta ári.
Bæjarráð samþykkir reglurnar fyrir sitt leyti og visar þeim til staðfestingar bæjarstjórnar.

Farið yfir undirbúning sérstaks bæjarstjórnarfundar í tilefni af 100 ára afmæli kosningarréttar kvenna.
Fundurinn verður haldinn 13. ágúst nk.
Fundinn sitja kvenkyns bæjarfulltrúar. Embættismenn fundarins verða bæjarstjóri og bæjarritari.
Bæjarráð vísar eftirfarandi málum sérstaklega til umræðu á fundi 13. ágúst sl.
1) Staða kvenna í sveitastjórnarmálum á landsvísu.
2) Jafnréttisáætlun Fjarðabyggðar- staða og framtíðarsýn.
3) Almennar umræður.
Jafnframt verða fundargerðir teknar til kynningar.

Framlögð gögn vegna Eskifjarðarvallar frá Knattspyrnufélagi Fjarðabyggðar. Óskað var eftir fundi með bæjarráði vegna knattspyrnuvallarins á Eskifirði.
Haldinn var fundur með vallarnefnd KFF sunnudaginn 19. júlí sl. í vallarhúsinu á Eskifjarðarvelli.
Bæjarráð felur bæjarstjóra ásamt framkvæmdasviði að gera gróft kostnaðarmat um uppbyggingu vallar á Eskifirði og leggja fyrir bæjarráð.

Birt hefur verið ný reglugerð um mat á umhverfisáhrifum, nr. 660/2015, sem hefur að geyma ákvæði um framkvæmdir í flokki C, en ákvæði lagabreytingar um flokk C tóku gildi í júní. Í reglugerðinni eru þau nýmæli að sveitarstjórn tekur ákvörðun um hvort framkvæmd, sem háð er framkvæmdaleyfi sveitarstjórnar eða byggingarleyfi byggingarfulltrúa samkvæmt skipulagslögum eða lögum um mannvirki og tilgreind er í flokki C í 1. viðauka, skuli háð mati á umhverfisáhrifum.
Vísað til eigna-, skipulags- og umhverfisnefndar og skipulagsfulltrúa.

Framlagðar til kynningar breytingar á viðmiðunarreglum Kirkjugarðaráðs og Sambandsins vegna framkvæmda við kirkjugarða.
Vísað til eigna-, skipulags- og umhverfisnefndar og mannvirkjastjóra til kynningar.

Framlögð gögn um þjóðarsáttmála um læsi barna í grunnskólum.
Vísað til umræðu í fræðslunefnd og erindið tekið aftur fyrir í bæjarráði 24.ágúst, daginn fyrir undirskrift.

Framlögð 829. fundargerð stjórnar Sambands íslenskra sveitarfélaga frá 2. júli sl.
Bæjarstjóra falið að koma athugasemdum á framfæri við formann Sambands íslenskra sveitarfélaga.