Bæjarráð

Lagt fram bréf Landsnets frá 25.ágúst er varðar háspennustreng um Norðfjarðargöng. Bæjarráð ítrekar nauðsyn þess að lagður verði háspennustrengur um Norðfjarðargöng eins og gert er ráð fyrir. Bæjarstjóra falið að funda með Landsneti á næstunni.

Fundargerð 5.fundar samgöngunefndar SSA, lögð fram til kynningar.

Ofanflóðasjóður hefur samþykkt lánveitingu í samræmi við umsókn Fjarðabyggðar að upphæð 40,8 milljónir króna vegna ofanflóðaframkvæmda á árinu 2014. Vísað til afgreiðslu bæjarstjórnar.

Á fundi bæjarstjórnar 18.júní sl. var samþykkt með 9 atkvæðum að gengið verði til samninga við KPMG endurskoðun um endurskoðunarþjónustu Fjarðabyggðar og stofnana árin 2015 til 2019. Lagður fram til kynningar samningur vegna endurskoðunarþjónustu er óskast staðfestur af bæjarráði. Bæjarstjóra falin undirritun samnings.

Fundargerð 13.stjórnarfundar SSA lögð fram til kynningar.

Lagðar fram ályktanir aðalfundar SSA sem haldinn verður í haust. Bæjarráð mun fara yfir ályktanir sem fyrir liggja og meta hvort ástæða sé til að leggja fram fleiri ályktanir f.h. sveitarfélagsins.

Hafsteinn Pálsson frá Ofanflóðasjóði og Hugrún Hjálmarsdóttir frá Eflu verkfræðistofu sátu þennan lið fundarins og fóru yfir framkvæmdir við ofanflóðavarnir í árfarvegum á Eskifirði.

Þennan lið fundarins sat fjármálastjóri. Áframhald vinnu við fjárhagsáætlun 2016. Lagðir fram, með fyrirvörum, fjárhagsrammar vegna fjárhagsáætlunar 2016. Bæjarstjóra falið að úthluta fjárhagsrömmum til fastanefnda með skýringum.

Framlagður viðauki 4 við Fjárhagsáætlun Fjarðabyggðar fyrir árið 2015 vegna nýs starfsmats í samræmi við kjarasamninga frá 1. maí 2014 og vegna úthlutunar í símenntunarpotti 2015. Bæjarráð samþykkkir viðauka 4 og vísar honum til staðfestingar bæjarstjórnar.

Með tilliti til umræðu síðustu daga um hugsanlega móttöku Íslands á flóttamönnum, óskar bæjarráð eftir við félagsmálanefnd að tekin verði umræða í nefndinni og framkvæmd greining á vegum hennar á innviðum samfélagsins vegna móttöku flóttamanna.

Þennan lið fundarins sátu Jóna Árný Þórðardóttir frá Austurbrú auk markaðs- og upplýsingafulltrúa og verkefnastjóra í atvinnumálum. Rætt um markaðssetningu Egilsstaðaflugvallar í tengslum við millilandaflug 2016.

Magni Þór Harðarson tekur sæti í fræðslunefnd í stað Þórdísar Mjallar Benediktsdóttur en Þórdís hefur tekið við stöðu aðstoðarleikskólastjóra í Neskaupstað.

Fundargerð eigna- skipulags- og umhverfisnefndar nr. 125, lögð fram til kynningar.

Fundargerð hafnarstjórnar nr. 154, lögð fram til kynningar.

Fundargerð menningar- og safnanefndar nr. 16 lögð fram til kynningar.

Fundargerð íþrótta- og tómstundanefndar nr. 13 lögð fram til kynningar.