Bæjarráð

Lagðar fram upplýsingar um málstofu hönnun áfangastaðar. Málstofa og vinnustofa í Sláturhúsinu á Egilsstöðum kl. 10.00 - 16.00 3. október 2015.
Fulltrúar Fjarðabyggðar taka þátt í málstofunni. Lagt fram til kynningar.

Fram lögð til kynningar ályktun Skólastjórafélags Austurlands vegna þess að kjarasamningar skólastjórnenda hafa verið lausir síðan 1. júní s.l.

Beiðni um að einstaklingar í lífsstílshópi, á endurhæfingardeild Fjórðungssjúkrahússins í Neskaupstað, fái ókeypis aðgang í sundlaugina í Neskaupstað á meðan á meðferð stendur.
Bæjarráð samþykkir að einstaklingar í endurhæfingu hjá Fjórðungssjúkrahúsinu fá endurgjaldslaus afnot af sundlauginni meðan á meðferð stendur. Styrkveiting nemur 10 árskortum. Kostnaði mætt af liðnum óráðstafað 21-69.

Framlögð til kynningar stefna Garðars Steins Ólafssonar fyrir hönd Landssambands slökkviliðs- og sjúkraflutningamanna vegna hlutastarfandi sjúkraflutningamanna.
Bæjarráð felur bæjarstjóra að vinna að málinu áfram með Jóni Jónssyni lögmanni.

Þennan lið dagskrár sat fjármálastjóri.
Farið yfir viðræður við umsækjenda um rekstur skíðamiðstöðvarinnar í Oddsskarði.
Bæjarráð samþykkir að rekstri skíðamiðstöðvarinnar í Oddsskarði verði útvistað gangi eftir forsendur fyrir hagræðingu og stefna um aukinn árangur í rekstri hennar með samningi við tilboðsgjafa. Bæjarstjóra falið að vinna málið áfram.

Þennan lið dagskrár sat fjármálastjóri.
Vísað frá eigna-, skipulags- og umhverfisnefnd.
Lagt fram minnisblað frá eigna- og framkvæmdafulltrúa, dagsett 16. september 2015, varðandi viðhaldsþörf íbúða í eigu Fjarðabyggðar.
Eigna- skipulags- og umhverfisnefnd vísar beiðni um hækkun viðhaldspotts úr 12,5 miljónum kr. í 25 milljónir kr. á árinu 2015 til bæjarráðs og hækkun á næstu árum til fjárhagsáætlunargerðar.
Bæjarráð samþykkir að viðhaldspottur félagslegs húsnæðis verði hækkaður í 25 milljónir kr.
Fjármálastjóra falið að gera viðauka og leggja fyrir bæjarstjórn til staðfestingar.
Viðhaldsþörf íbúða i félagslegu húsnæði vísað til áframhaldandi vinnu við fjárhagsáætlunargerð 2016.

Þennan lið dagskrár sat fjármálastjóri og mannvirkjastjóri ásamt formanni eigna-, skipulags- og umhverfisnefndar.
Farið yfir með mannvirkjastjóra og formanni nefndar áherslur í fjárhagsáætlunargerðinni og gjaldskrár fyrir árið 2016.

Þennan lið dagskrár sat fjármálastjóri ásamt félagsmálastjóra og formanni barnaverndarnefndar.
Farið yfir með félagsmálastjóra og formanni áherslur í fjárhagsáætlunargerðinni fyrir árið 2016.

Þennan lið dagskrár sat fjármálastjóri ásamt félagsmálastjóra og formanni félagsmálanefndar.
Farið yfir með félagsmálastjóra og formanni áherslur í fjárhagsáætlunargerð og gjaldskrár fyrir árið 2016.

Fram lögð til kynningar tillaga til þingsályktunar um landsskipulagsstefnu 2015 til 2026.
Stjórnvöld á árunum 2015 - 2026 vinna að skipulagsmálum í samræmi við landsskipulagsstefnu sem felur í sér:
1. Stefnu um skipulag á miðhálendi Íslands.
2. Stefnu um skipulag í dreifbýli.
3. Stefnu um búsetumynstur og dreifingu byggðar.
4. Stefnu um skipulag á haf- og strandsvæðum.
Í landsskipulagsstefnu er eftirfarandi lagt til grundvallar auk markmiða skipulagslaga:
1. Að skipulag byggðar og landnotkunar stuðli að sjálfbærri þróun.
2. Að skipulag byggðar og landnotkunar sé sveigjanlegt og stuðli að seiglu gagnvart
samfélags- og umhverfisbreytingum.
3. Að skipulag byggðar og landnotkunar stuðli að lífsgæðum fólks.
4. Að skipulag byggðar og landnotkunar styðji samkeppnishæfni landsins alls og einstakra
landshluta.
Vísað til eigna-, skipulags- og umhverfisnefndar.

Framlagt til kynningar frumvarp til laga
um breytingu á lögum um náttúruvernd, nr. 60/2013,
með síðari breytingum (varúðarregla, almannaréttur,
sérstök vernd, framandi tegundir o.fl.).
Vísað til eigna-, skipulags- og umhverfisnefndar.

Lagt fram frumvarp til laga um landsáætlun um uppbyggingu innviða til verndar náttúru og menningarsögulegum minjum.
Vísað til eigna-, skipulags- og umhverfisnefndar.

Fram lagt til kynningar frumvarp til laga um breytingu á lögum um almannatryggingar, nr. 100/2007
(hækkun lífeyris í 300 þús. kr.).
Vísað til félagsmálanefndar.

Framlagt til kynningar frumvarp til laga um byggingarsjóð Landspítala sem yrði sjálfstæður sjóður í vörslu fjármála- og efnahagsráðuneytis, starfræktur í því skyni að fjármagna nýbyggingar ofl.

Fundargerð barnaverndarnefnd nr. 57 frá 3. september lögð fram til kynningar.

Fram lögð til kynningar fundargerð eigna-, skipulags- og umhverfisnefndar frá 21. september s.l.

Fundargerð fræðslunefndar frá 23. september s.l. lögð fram til kynningar.