Bæjarráð

Þennan lið dagskrár sátu framkvæmdastjóri hafna og verkefnastjóri atvinnumála.
Hafnarstjórn samþykkti á fundi sínum þann 10. nóvember sl. umhverfis-, heilsu- og öryggisstefnu fyrir Fjarðabyggðarhafnir. Stefnunni var vísað til staðfestingar í bæjarstjórn. Meðfylgjandi er stefnan ásamt minnisblaði framkvæmdastjóra hafnanna.
Bæjarráð samþykkir stefnuna fyrir sitt leyti og vísar henni til staðfestingar bæjarstjórnar.

Framlagður tölvupóstur frá Félagi eldri borgara á Fáskrúðsfirði þar sem óskað er eftir endurgjaldslausum afnotum af Félagsheimilinu Skrúð fyrir Bingó þann 1. desember nk.
Bæjarráð samþykkir að styrkja félagið sem nemur húsaleigu af Skrúði. Tekið af liðnum óráðstafað 21690.
Vísað til félagsmálastjóra.

Rætt um framvindu verkefna tengdum verkefninu Fjarðabyggð til framtíðar.

Framlagt bréf Sambands íslenskra sveitarfélaga um gerð leiðbeininga um störf almannavarnarnefnda á grundvelli stefnumörkunar sambandsins þar sem það leggur áherslu á að tryggð sé aðkoma sveitarfélaga við áætlanagerð í almannavörnum vegna gerð hættumats og viðbragðsáætlana vegna náttúruvár. Vísað til bæjarstjóra.

Framlögð tilkynning um breytingu sbr. lög nr. 84/2015 þar sem gerðar voru breytingar á lögræðislögum nr. 78/1997. Breytingarnar öðlast gildi 1. janúar 2016. Vísað til félagsmálastjóra.

Framlagður tölvupóstur frá Náttúruverndarsamtökum Austurlands þar sem vakin er athygli á mikilvægi endurheimtingu votlendis en samtökin hafa sótt um styrk til til Umhverfisráðuneytis til að vinna tillögu að tíu svæðum á Austurlandi þar sem endurheimta mætti ónýt votlendissvæði. Óskað er eftir samvinnu við sveitarfélögin í verkefninu. Framlagt og kynnt. Vísað til eigna-, skipulags- og umhverfisnefndar.

Framlögð til kynningar umsögn Sambands íslenskra sveitarfélaga vegna frumvarps til laga um breytingar á lögum um tekjustofna sveitarfélaga, 263 mál.

Framlagt bréf frá Landgræðslu ríkisins þar sem óskað er eftir framlagi til samstarfsverkefnisins "Bændur græða landið" en óskað er eftir framlagi að upphæð 18.000 kr.
Vísað til eigna-, skipulags- og umhverfisnefndar.

Framlögð til kynningar athugasemd við tillögu um breytta legu hringvegar um Berufjarðarbotn vegna hönnunar á gatnamótum við veginn um Öxi.
Bæjarráð staðfestir athugasemd og vísar til kynningar í eigna-, skipulags- og umhverfisnefndar.

Framlögð til kynningar fundargerð 832. stjórnarfundar Sambands íslenskra sveitarfélaga.

Fundargerð eigna-, skipulags- og umhverfisnefndar frá 23. nóvember sl., lögð fram til kynningar.