Bæjarráð

Óskað er eftir meðmælum Fjarðabyggðar vegna kaupa ábúenda á ríkisjörðinni Hvammi í Fáskrúðsfirði.
Bæjarráð mælir með því að Erlingur Bjartur Oddsson og Sigurður Oddson fái jörðina Hvamm keypta með vísan til 26. gr. jarðalaga nr. 81.2004. Bæjarstjóra og byggingar- og skipulagsfulltrúa falið að veita meðmælin.

Lagt fram bréf Foreldrafélags Nesskóla er varðar áhyggjur af dekkjakurli á gervigrasvöllum í Fjarðabyggð.
Fjallað var um málið á fundi íþrótta- og tómstundanefndar 15. mars sl. Íþrótta- og tómstundafulltrúa hefur verið falið að vinna áfram að áætlun og leiðum til að skipta út dekkjakurli af þeim völlum sem eru með dekkjagúmmí.
Í forgang verði settir sparkvellir sveitarfélagsins.
Bæjarráð felur íþrótta- og tómstundafulltrúa ásamt framkvæmda-, umhverfis- og veitusviði að vinna heildstæða kostnaðaráætlun um útskipti á gervigrasi á sparkvöllum sveitarfélagsins enda eru þeir í forgangi.

Lögð fram drög að samkomulagi við Framkvæmdasýslu ríkisins um umframkostnað við byggingu hjúkrunarheimilis á Eskifirði ásamt fyrri gögnum frá Framkvæmdasýslu ríkisins um kostnað við bygginguna. Jafnframt minnisblöð frá bæjarstjóra og fjármálastjóra. Um er að ræða skuldbindingu vegna 15% greiðsluhluta sveitarfélagsins sem ekki er á fjárhagsáætlun sveitarfélagsins.
Bæjarráð vísar samkomulaginu til staðfestingar bæjarstjórnar þar sem um er að ræða skuldbindingu sveitarfélagsins.

Framlögð bókun bæjarstjórnar Seyðisfjarðarkaupstaðar frá 16.mars er varðar Fjarðarheiðargöng.

Bréf Jöfnunarsjóðs sveitarfélaga frá 8.mars sl., er varðar upplýsingar um framlög úr sjóðnum á árinu 2015, lagt fram til kynningar.
Vísað til fjármálastjóra.

Á fundi hafnarstjórnar 29. mars 2016 var fjallað um erindi frá Umhverfisstofnun dags. 31. ágúst 2015 þar sem bent er á að höfnum beri að skila inn viðbragðsáætlun vegna bráðamengunar. Fyrir fundinum liggja drög að viðbragðsáætun fyrir Fjarðabyggðarhafnir og samþykkti hafnarstjórn drögin og vísaði þeim til staðfestingar bæjarráðs.
Bæjarráð samþykkir áætlunina fyrir sitt leyti.

Byggðastofnun boðar til fundar með samráðsvettvangi sóknaráætlunar og fulltrúum sveitarfélaga á Austurlandi miðvikudaginn 13. apríl nk. frá kl. 17 - 19 í Þingmúla í Valaskjálf á Egilsstöðum.
Á fundinn koma fulltrúar Byggðastofnunar og lýsa meginmarkmiðum, vinnutilhögun og samráðsferli við gerð stefnumótandi byggðaáætlun 2017-2023.

Framhaldsaðalfundur Samorku verður haldinn 15.apríl í Húsi atvinnulífsins í Reykjavík.
Vísað til eigna-, skipulags- og umhverfisnefndar.

Fundargerð stjórnar Sambands sveitarfélaga á Austurlandi frá 15.mars 2016, lögð fram til kynningar.

Fundargerð stjórnar frá 18. mars 2016, lögð fram til kynningar.

Breytingar á nefndaskipan Framsóknarflokks.
Aðalheiður Vilbergsdóttir tekur sæti Pálínu Margeirsdóttur tímabundið í fjarveru hennar sem formaður fræðslunefndar.

Fundargerð eigna- skipulags- og umhverfisnefndar, nr. 140 frá 21.mars 2016, lögð fram til kynningar.

Fundargerð hafnarstjórnar, nr. 161 frá 29.mars 2016, lögð fram til kynningar.

Fundargerð íþrótta- og tómstundanefndar, nr. 20 frá 15. mars 2016, lögð fram til kynningar.