Bæjarráð

Fjármálastjóri sat þennan lið fundarins auk Magnúsar Jónssonar endurskoðanda Fjarðabyggðar sem gerði grein fyrir vinnu við ársreikning Fjarðabyggðar og stofnana fyrir árið 2015.

Þennan lið fundarins sat fjármálastjóri. Framlagt sem trúnaðarmál, málaflokkayfirlit um rekstur málaflokka og framkvæmdir janúar - febrúar 2016, launakostnað og skatttekjur janúar - mars 2016.

Lögð fram til kynningar fundargerð 1.fundar starfshóps á vegum Sambands sveitarfélaga á Austurlandi, um svæðisskipulag fyrir Austurland. Starfshópurinn hefur óskað eftir yfirlýsingu, um að sveitarfélögin á Austurlandi, lýsi yfir vilja til þáttöku í verkefni um svæðisskipulag Austurlands. Bæjarráð er tilbúið að vinna áfram að verkefninu náist samkomulag á milli sveitarfélaganna, um þá þætti sem skipulagið á að ná til. Ræddir voru ýmsir mögulegir þættir sem verkefnið gæti náð til. Bæjarstjóra falið að koma áherslum bæjarins á framfæri við starfshópinn.

Möguleg endurskipulagning á starfsemi heilbrigðiseftirlits sveitarfélaga. Af hálfu sambandsins er einkum óskað eftir því að fá fram sem skýrasta afstöðu sveitarstjórnarmanna til þess hvort þeir telji æskilegt að hafin verði formleg vinna við að endurskipuleggja starfsemi heilbrigðiseftirlits sveitarfélaga á þann hátt sem lýst er í framlögðu bréfi sambandsins frá 31.mars.
Vísað til umræðu í eigna- skipulags- og umhverfisnefnd.

Lögð fram drög að bréfi til Ofanflóðasjóðs vegna framkvæmda við Ljósá Eskifirði. Bæjarráð samþykkir að óska eftir við sjóðinn að framkvæmdin verði boðin út svo hún geti hafist sem fyrst.

Lokaskýrsla starfshóps um úrgangsmál lögð fram til kynningar og vísað til eigna- skipulags- og umhverfisnefndar.

Ársfundur Stapa verður haldinn miðvikudaginn 4.maí nk. kl. 14:00 í Hofi Akureyri. Lagt fram til kynningar og vísað til afgreiðslu hjá bæjarritara.

Málstofa um samvinnu sveitarfélaga "Samstarf, sameining eða þriðja stjórnsýslustigið ?" verður haldin í Háskólanum á Akureyri föstudaginn 29.apríl nk. frá kl. 13:00 - 15:00. Lagt fram til kynningar og forstöðumanni stjórnsýslu falið a kanna hvort ekki er hægt að fylgjast með málþinginu á netinu.

Boðað er til aðalfundar Sparisjóðs Austurlands 12.apríl 2016 kl. 16:00 í Safnahúsinu. Bæjarstjóra falið að fara með umboð Fjarðabyggðar á fundinum.

Fundargerð félagsmálanefndar, nr. 82 frá 5. apríl 2016, lögð fram til kynningar.

Fundargerð Barnaverndarnefndar nr. 62 frá 31.mars 2016, lögð fram til kynningar.

Fundargerð eigna- skipulags- og umhverfisnefndar, nr. 141 frá 4. apríl 2016, lögð fram til kynningar.