Bæjarráð

Rúnar Gunnarsson sat ekki þennan lið fundarins.
Farið yfir niðurstöðu útboðs í sorphirðu og sorpförgun 2021. Bæjarráð samþykkir að taka lægsta tilboði í hverjum verkþætti útboðsins.
Hirðing - Kubbur ehf. - 65.399.619 með VSK
Gámar - GS Lausnir - 17.447.800 með VSK
Móttaka - Terra umhverfisþjónusta - 9.281.400 með VSK
Flutningur - Hringrás ehf. - 3.432.000 með VSK
Vísað til kynningar i eigna- skipulags- og umhverfisnefnd.
Vísað til staðfestingar í bæjarstjórn.

Rúnar Gunnarsson kom til fundar undir 2.lið fundargerðar.
Lögð fram gögn frá samskiptasjóði þar sem kynnt er fyrirkomulag og skilmálar lokaúthlutunar styrkja til uppbyggingar sveitarfélaga á ljósleiðarakerfum í dreifbýli á árinu 2021.
Bæjarritara falið að leggja fram umsókn og áframhaldandi vinnslu málsins.

Lagt fram minnisblað um rafrænar undirskriftir fundargerða. Bæjarráð staðfestir tillögur í minnisblaði um að heimila rafrænar undirskriftir fundargerða með vísan til auglýsinga ráðherra á hverjum tíma og felur bæjarritara áframhaldandi vinnslu málsins.

Lagt fram til kynningar bréf formanns Knattspyrnufélags Fjarðabyggðar er varðar stuðning við starfsemi félagsins. Bæjarstjóra falið að vinna málið áfram.

Umræða um málefni Skólaskrifstofu Austurlands.

Umhverfis- og samgöngunefnd Alþingis sendir til umsagnar frumvarp til laga um breytingar á ýmsum lögum tengdum málefnum sveitarfélaga (sveitarfélög og kórónuveirufaraldur), 478. mál.
Ef senda á umsögn þarf hún að berast eigi síðar en 18.febrúar nk.

Umhverfis- og samgöngunefnd Alþingis sendir til umsagnar frumvarp til laga um stefnumarkandi áætlanir á sviði samgangna, fjarskipta og byggðamála, 471. mál.
Ef senda á umsögn þarf hún að berast eigi síðar en 18.febrúar nk.

Fundargerð stjórnar Náttúrustofu frá 15.desember sl. lögð fram til kynningar.

Lagðar fram til kynningar fundargerðir 893. og 894. funda stjórnar sambandsins frá 16.desember og 29.janúar sl.

Fundargerð menningar- og nýsköpunarnefndar frá 1.febrúar lögð fram til umfjöllunar.