Bæjarráð

Framlagt sem trúnaðarmál yfirlit um rekstur málaflokka og framkvæmdir fyrir janúar - febrúar 2021, skatttekjur og launakostnað fyrir janúar - mars 2021.

Framlagt til upplýsinga deildayfirlit fyrir rekstur deilda og málaflokka í sveitarsjóði á árinu 2020.

Framlögð tillaga að reglum um gerð fjárhagsáætlunar Fjarðabyggðar fyrir árið 2022 og 3ja ára áætlun áranna 2023-2025.
Bæjarráð samþykkir reglurnar fyrir sitt leyti og vísar þeim til staðfestingar bæjarstjórnar.

Framlagt til kynningar bréf atvinnuvega- og nýsköpunarráðuneytisins frá 14. apríl, er varðar fiskeldi í Viðfirði og Hellisfirði.

Lagt fram til kynningar bréf atvinnuvega- og nýsköpunarráðuneytisins til svæðisráðs um skipulag haf- og strandsvæða, þar sem tilkynnt er að óskað hafi verið eftir við Hafrannsóknastofnun að hún framkvæmi burðarþolsmat fyrir Mjóafjörð í tengslum við fiskeldi í firðinum. Fjarðabyggð hefur áður hvatt til þess að Mjóifjörður verði settur í útboð til fiskeldis og styður áform ráðuneytisins.

Vísað frá bæjarstjórn til umfjöllunar bæjarráðs drögum að breytingum á reglugerð um kjör íþróttamanns Fjarðabyggðar.
Pálína Margeirsdóttir formaður íþrótta- og tómstundanefndar óskaði eftir að taka erindi að nýju upp í nefndinni.

Framlagt bréf frá forstöðumönnum bókasafna í Fjarðabyggð varðandi sumaropnun bókasafnanna.
Bæjarráð vísar erindi til skoðunar forstöðumanns safnastofnunar og bæjarritara til úrlausnar, þannig að bókasöfnin verði opin með sama fyrirkomulagi og síðasta sumar.

Framlagt til kynningar aðalfundarboð Samtaka atvinnulífsins sem fer fram miðvikudaginn 12. maí næstkomandi.

Fundargerð eigna- skipulags- og umhverfisnefndar, nr. 286 frá 12. apríl, lögð fram til afgreiðslu.

Fundargerð landbúnaðarnefndar, nr. 27 frá 7. apríl, lögð fram til afgreiðslu.

Fundargerð íþrótta- og tómstundanefndar, nr. 87 frá 12. apríl, lögð fram til afgreiðslu.

Fundargerð barnaverndarnefndar nr. 129 frá 15. apríl, lögð fram til afgreiðslu.